Përmes një tweet-i përfaqësuesi i Razer për marrëdhëniet me publikun, Will Powers, lajmëroi se atij i kishte ardhur një email që konfirmonte se eventi dixhital E3 2022 ishte anuluar.
Just got an email… It’s official, E3 digital is official cancelled for 2022. Lots of mixed feelings about this…
— Will Powers ? NYC (@WillJPowers) March 31, 2022
Ky event fillimisht ishte planifikuar që të organizohej në praninë e publikut, megjithatë në janar kompania lajmëroi se do të organizohej në mënyrë dixhitale për shkak të pandemisë. Tashmë, me sa duket eventi është anuluar tërësisht.
Përgjatë viteve të fundit ka patur shumë shqetësime mbi fatin e E3. Pandemia e COVID-19 vazhdon ende të prekë organizimet me shumë persona. Javën e kaluar disa profesionistë në industrinë e video-lojrave raportuan se ishin infektuar pasi morën pjesë në Game Developers Conference në San Francisco. Bashkë me shqetësimet rreth pandemisë, prodhuesit e video-lojrave janë tërhequr nga eventi për të krijuar eventet e tyre të veçanta si EA Play Live, State of Play nga Sony dhe Direct showcases nga Nintendo.
ESA tregoi se “E3 do të rikthehet në 2023 me një event të rigjallëruar ku do të shfaqen inovacionet më të fundit në industrinë e video-lojrave në një event me praninë e publikut dhe dixhital.”
Excited to share that @SummerGameFest will return this June with a slate of events. We’ll be producing another Kickoff Live show with announcements, news and first looks.
Much more to share in the coming weeks, along with some very cool new elements for ’22. pic.twitter.com/jjXLG8Xueh
— Geoff Keighley (@geoffkeighley) March 31, 2022
Ndërkohë që lajmi për anulimin e E3 po përhapet gjithnjë e më shumë, Geoff Keighley shfrytëzoi rastin për të konfirmuar se eventi i tij Summer Game Fest do të organizohet në qershor të këtij viti.
