Gjatë kohëve të fundit Instagram prezantoi shërbimin e pëlqimit të Stories, e cila është tërësisht private dhe mund të shihet vetëm nga publikuesi. Megjithatë platforma do të vazhdojë përmirësimin e Stories, duke lejuar që ndjekësit t’i përgjigjen atyre përmes një mesazhi zanor.
Ky shërbim duket se është inspiruar (si shumë shërbime të tjera) nga Snapchat, i cili lejon përgjigjjen përmes mesazheve zanore që nga viti 2016.
Leaker-i mjaft i njohur Alessandro Paluzzi shpërndau një screenshot nga Instagram Stories ku tregonte se si ky shërbim do të duket kur jetë i gatshëm për të gjithë përdoruesit. Nga ky screenshot ne mund të shikojmë se në platformë do të shtohet një ikonë e re në formën e mikrofonit pranë opsionit ekzistues të GIF.
#Instagram is working on the ability to reply to Stories with voice messages ? pic.twitter.com/6fQNSxB04e
— Alessandro Paluzzi (@alex193a) March 26, 2022
Detajet e mëtejshme në lidhje me këtë shërbim si opsinet e kohëzgjatjes së mesazhit zanor janë ende të paditura dhe do të na duhet të presim deri sa të kemi një lajmërim zyrtar nga Instagram.
Gjatë kohëve të fundit, Instagram ka kopjuar dhe shërbimin “Shake to Report” nga Snapchat, të cilin e quan “Rage Shake”. Tashmë përdoruesit mjafton të tundin smartphone-in e tyre për të raportuar probleme teknike që lidhen me aplikacionin.
