Qeveria ukrainase ka vendosur të grumbullojë disa fonde përmes shitjes së NFT që janë të bazuara mbi ngjarjet e ndodhura gjatë pushtimit të vendit.
Ministri ukrainas Mykhailo Fedorov lajmëroi për lançimin e këtij koleksioni në Twitter duke thënë: “Ndërkohë që tanket e Rusisë shkatërrojnë Ukrainën, ne mbështetemi në teknologjinë revolucionare blockchain.” Të gjitha fondet e mbledhura nga shitja e këtyre NFT do të shkojnë drejt Ministrisë së Transformimit Dixhital për të mbështetur ushtrinë dhe civilët e Ukrainës.
While Russia uses tanks to destroy Ukraine, we rely on revolutionary blockchain tech. @Meta_History_UA NFT-Museum is launched. The place to keep the memory of war. And the place to celebrate the Ukrainian identity and freedom. Check here: https://t.co/IrNV0w54tg
— Mykhailo Fedorov (@FedorovMykhailo) March 25, 2022
Koleksioni i titulluar “Meta History: Museum of War” lidh blockchain tokens me një lajm mbi “çdo zhvillim të rëndësishëm të luftës” dhe një ilustrim nga një artist. Aktualisht janë listuar 54 NFT të cilat flasin për 3 ditët e para të pushtimit dhe do të dalin në shitje duke filluar nga java e ardhshme.
Lançimi i koleksionit me NFT zëvëndëson planin e mëparshëm për t’i dhënë përmes “airdrop” tokens falas të gjithë njerëzve që kishin dhuruar kriptomonedha për Ukrainën. Plani “Airdrop” nuk funksionoi pasi u kopjua nga disa mashtrues.
Kriptomonedhat kanë luajtur një rol në të dyja krahët e luftës, mirëpo Ukriania i ka përdorur për të tejkaluar të gjitha limitimet bankare të shkaktuara nga lufta. Qeveria ukrainase tregoi se kishte siguruar rreth $54 milionë vlerë në kriptomonedha gjatë 3 javëve të para.
