Një aplikim i ri marke nga Samsung në Mbretërinë e Bashkuar sugjeron se kompania po planifikon që të futet në tregun e “veshjeve” moderne për smartphone-t e kompanisë. Android Headlines dhe Let’s Go Digital zbuluan se aplikimi në UK Intellectual Property Office përshkruante “ngjitëse mbrojtëse dhe dekoruese të adoptuara për smartphone” duke përdorur emrin “Fashion Film”.
Megjithatë ne nuk mund të jemi 100% të sigurtë se shumë shpejt do të vijë një produkt i ri, pasi në të kaluarën Samsung ka regjistruar shumë marka të tjera të cilat nuk janë përdorur asnjëherë. Por kjo gjë tregon interesimin e kompanisë për t’u futur në tregun e aksesorëve për smartphone.
Aktualisht, hapësira e tregut zihet nga kompanitë si Dbrand, e cila ka patur produktet e saja në dyqanet e Samsung.
Në tetor të vitit të kaluar Samsung prezantoi smartphone-t Bespoke Edition për Galaxy Z Flip 3 që lejonte përdoruesit të ndërronin ngjyrën e smartphone-ve duke përdorur një linjë me ngjyra të ndryshme që kushtonin $79.
Dieter Bohn tergoi se promovimi i linjës Galaxy Z Flip 3 si një zgjedhje plot stil, dhe jo për specifikat e saj të fuqishme, ndryshon mënyrën se si pajisjet “flasin” për përdoruesit e tyre, dhe përdoruesit mund të shprehen përmes stilit që zgjedhin.
