Nën sloganing “Ndriçimi i së ardhmes”, Huawei prezantoi në MWC vizionin e tij për një ekonomi digjitale më të mirë dhe me të gjelbër duke u fokusuar në tre pika kryesore si: dendësia e lidhjes, diversiteti i llogaritjes dhe intensiteti i reduktimit të karbonit. Por Mobile World Congress 2022 shërbeu gjithashtu për të prezantuar produktet e reja të konsumit të cilat gjithashtu morën vëmendje të madhe. Në këtë artikull ne do të flasim mbi të gjithë produktet e reja të prezantuara nga Huawei gjatë këtij eventi.
Huawei Matebook E
Matebook E është gjenerata e re e tabletëve nga Huawei që përdor sistemin operativ Windows 11. Ai ka një ekran 12.6 inç OLED dhe fuqizohet nga gjenerata e 11-të e proçesorëve Intel.
Matebook E suporton karikimin e shpejtë 65W përmes portave Thunderbolt 4. Shërbime të tjera që ofrohen në këto tablet janë kamera selfie 8MP, 4 mikrofonë noise-cancelling dhe 4 speaker. Çmimi i kësaj pajisje do të fillojë nga €649.
Matebook X Pro (2022)
Ky laptop vjen me disa përmirësime mjaft të mira në krahassim me paraardhësin e tij. Matebook X Pro ka një dizajn premium me trup alumini, ekran me prekje 14.2 inç dhe refresh rate 90Hz. Ai fuqizohet nga gjenerata e 11-të e proçesorëve Intel U dhe çmimet për të do të nisin nga €1,889.
Huawei MateStation X
Një tjetër produkt i prezantuar gjatë MWC 2022 ishte MateStation X. Ky është një kompjuter desktop all-in-one, me ekran me prekje 28.2 inç, rezolucion 4K dhe aspect ratio 3:2. Një ndër pikat më interesante të tij është ekrani multi-touch me 10 prekje njëkohësisht. Ai fuqizohet nga AMD Ryzen 5000-H series, ka 16GB RAM dhe 1TB internal storage. MateStation X do të ketë një çmim fillestar prej €2,199.
MatePad Paper
Ky produkt është produkti i fundit që i bashkohet familjes MatePad. Është një kombinim midis një e-reader dhe një tableti. Shërbimi kryesor i MatePad Paper është shtesa e e-ink në ekran. Kjo pajisje ka një ekran 10.3 inç kundër shkëlqimit dhe reflektimit, suporton Wi-Fi 6, ka 4GB RAM dhe 64 GB internal storage. Bateria e saj mund të zgjasë deri në 4 javë përdrim. Çmimi fillestar qëndron në €499.
Huawei Sound Joy Smart Speaker
Ky speaker inteligjent është një full-range speaker 20W, me 2 radiatorë pasivë dhe një speaker 10W. Ai fuqizohet nga bateria 8800mAh që garanton 26 orë luajtje të pandërprerë muzike, me suport për karikimin e shpejtë 40W. Gjithashtu kjo pajisje është rezistente ndaj ujit dhe rërës me një vlerësim IP67. Çmimi për Huawei Sound Joy Smart Speaker fillon nga €149.
Ne presim që të gjithë këto pajisje Huawei të hidhen në treg gjatë javëve të ardhshme.
