Wingstop, rrjeti i dyqaneve të fast-food ka regjistruar markën e saj tregtare për të shitur krahë pule në metaverse. Kompania po ndjek hapat e restoranteve të tjera si McDondald’s dhe Panera Bread, të cilat kanë bërë aplikimet e tyre në zyrën e US Patent and Trademark në 25 shkurt.
Në aplikim përfshihen “të mira virtuale që mund të shkarkohen”, duke përfshirë ushqime, pije virtuale dhe NFT. Gjithashtu në të tregohet krijimi i një tregu online ku njerëzit mund të shkëmbejnë NFT, asete dixhitale dhe vepra arti.
Ky patentim disa-klasor përfshin dhe një software të shkarkueshëm që do t’i ofrojë përdoruesve karta shpërblyese që mund të shkarkohen dhe të përdoren më pas për ushqime në botën reale dhe virtuale.
Një zëdhënës i Wingstop tregoi për Insider se kompania nuk mund të komentonte mbi planet ekzakte të kompanisë për metaverse, por tregoi se “patentimi përfaqëson një hap publik tepër emocionues për t’i dhënë botës shije në një hapësirë virtuale”.
McDonald’s ka aplikuar për patentimin e një restoranit virtual që do të dorëzojë ushqimin në botën reale dhe online, ndërkohë që Panera Bread kërkon të ndërtojë “Paneraverse”, një hapësirë ku përfshihen NFT, shërbimet e argëtimit dhe një program virtual shpërblyes.
“Unë mendoj se të gjitha kompanitë e mëdha do të bëjnë një aplikim të tillë brenda 12 muajve.” tha Josh Gerben për Forbes.
