Pas arriti të tërhiqte vëmendjen e Elon Musk përmes adresës së tij në Twitter “Elon’s Jet”, ku raportonte çdo fluturim të personit më të pasur në botë, Jack Sweeney ka vendosur të ndjekë dhe fluturimet e personave më të pasur në Rusi gjatë zhvillimit të luftës me Ukrainën.
Ajo që i bën unike adresat e Sweeney në Twitter është lehtësia e aksesimit të informacionit. Ai tregoi se hapja e adresave të reja që ndiqnin fluturimet e oligarkëve rusë erdhi pas kërkesave të shumta nga fansat. Në vetëm disa ditë kjo adresë ka siguruar më tepër se 53,000 ndjekës.
and now @RUOligarchJets too @ADSBexchange https://t.co/2XGDTZkUCh
— Jack Sweeney (@JxckSweeney) February 27, 2022
“Aeroplanët që oligarkët përdorin janë thjesht një çmenduri.” tha Sweeney për Bloomberg, duke treguar shembullin e një të pasuri që fluturonte në një Boeing 737 (shumë herë më i madh se një avion privat).
Adresa “Russian Oligarch Jets” ndjek lëvizjen e mjeteve fluturuese të ndryshme, që nga helikopterët e deri tek avionët privatë dhe ato komercialë, duke përfshirë dhe ato që janë nën pronësinë e pronarit të klubit të futbollit Chelsea, Roman Abramovich.
Roman Abramovich’s Helicopter M-SOLA Took off near Charlestown, (unassigned), KN. pic.twitter.com/o7UiWeK018
— Russian Oligarch Jets (@RUOligarchJets) February 28, 2022
Dhe pse informacioni në lidhje me lëvizjen është tepër i mahnitshëm, ai nuk përfshin të dhënat se kush persona gjenden në një fluturim të caktuar apo rëndësinë e këtij fluturimi.
