Razer publikoi në janar projektin Hazel i cili përfshin ventilator në formë disku, Chroma RGB lighting dhe projeksion zëri, të gjitha këto brenda një maske të ripërdorshme N95. Kjo maskë është transparente dhe lejon që personat e tjerë të shikojnë mimikat e fytyrës dhe të kuptojnë fjalët më mirë nëpërmjet leximit të buzëve.
CEO i Razer, Min-Liang Tan në një intervistë u shpreh se besojn se ky projekt do të jetë i rëndësishëm gjatë periudhës së vaksinimit në masë të popullatës. Tani kjo kompani po planifikon fillimin e shitjeve të maskës “smart”.
Për herë të parë kjo maskë debutoi në CES 2021, me ventilatorët që mund të hiqen dhe të karikohen dhe një materiali të tejdukshëm të krijuar nga mbetje të ricikluara rezistentë ndaj ujit dhe gërvishtjeve. Ventilatorët mund të funksionojnë dhe si amplifikatorë të zërit, falë mikrofonëve që gjenden brenda maskës.
Ndriçimi Chorma RGB gjendet në ventilator dhe ndriçojnë gojën kur ndodhemi në një ambient të errët, në mënyrë që personat e tjerë të shohin kur flasim. Dhe pse e mbingarkuar me teknologji, Razer thotë se kjo maskë është tejet e rehatshme për t’u mbajtur.
Për momentin nuk ka akoma informacione rreth çmimit ose datës së lançimit pasi Razer duhet të marrë leje dhe çertifikim nga Food and Drug Administration, Centers for Disease Control and Prevention, ose Occupational Safety and Health Administration.