Telefonat inteligjentë flagship mund të bëjnë fotografi të mrekullueshme këto ditë, por kjo nuk është gjithçka që mund të bëjnë kamerat e tyre me fuqi të lartë. Një startup ka ripërdorur grupin e sensorëve në telefonat inteligjentë kryesorë Android për të matur cilësinë e ajrit, nivelet e tymit dhe më shumë, duke u dhënë përdoruesve një ide se sa i sigurt është mjedisi i tyre.
Një startup i quajtur MobilePhysics po prezanton teknologjinë e tij të re të monitorimit të ajrit, e cila është e integruar në çipin Snapdragon 8 Gen 3 që Qualcomm njoftoi në fillim të këtij viti. Prodhuesit e telefonave mund të zgjedhin të zbatojnë teknologjinë Mobile Physics, dhe nëse po, do të mund ta aktivizojnë shërbimin përmes një aplikacioni të instaluar në smartphone.
Kompania MobilePhysics është e fokusuar në sjelljen e këtij shërbimi drejt sa më shumë njerëzve që të munden, tha kryetari dhe fituesi i çmimit Nobel Roger Kornberg. Teknologjia e saj mund të matë të ashtuquajturat grimca ndotëse PM2.5 (më të vogla se 2.5 mikron në gjerësi) në mënyrë pasive kur përdorni telefonin, gjë që mund të jetë e dobishme për shumicën e njerëzve në planet — 99% e popullsisë së botës thith ajër që tejkalon standardet e OBSH.
“Më shumë njerëz vdesin nga ky ekspozim ndaj PM2.5 sesa nga çdo shkak tjetër vdekjeje, duke përfshirë kancerin, SPOK, sëmundjet e zemrës“, tha Kornberg. “Ai prek çdo qelizë, ind dhe organ njerëzor në mënyra që ne ende nuk i kuptojmë.”
Ashtu si Apple përdor sensorët e Apple Watch për të matur oksigjenin në gjak, Mobile Physics përdor sensorët dhe kamerat e telefonave inteligjentë për të përcaktuar faktorët mjedisorë, duke përfshirë cilësinë e ajrit, nivelet e tymit, ekspozimin ultravjollcë, temperaturën dhe të tjera — edhe kur telefoni është në një xhep.
Aplikacioni do të njoftojë përdoruesit kur mjedisi rreth tyre bëhet i rrezikshëm, dhe do t’i nxisë ata për t’u mbuluar pas qëndrimit për një kohë të gjatë në diell e deri tek rekomandimi i hapjes së një dritare ose të ndezin një pastrues ajri për të përmirësuar cilësinë e ajrit, sipas një njoftimi për shtyp. Monitoruesi i tymit mund të vendoset të funksionojë gjatë natës për të skanuar për rrezikun nga zjarri ndërsa njerëzit flenë.
