OnePlus 11 me shumë mundësi do të prezantohet para publikut në datën 7 shkurt së bashku me një palë kufje të reja wireless. Para se të bëhet prezantimi zyrtar, në internet po qarkullojnë disa informacione që na tregojnë se çfarë mund të presim nga kjo pajisje. Me shumë mundësi OnePlus 11 do të jetë smartphone-i i ri më i fuqishëm në treg.
Një leaker në Weibo ka publikuar rezultatet e AnTuTu Benchmark për këtë smartphone, të cilat tregojnë performancën më të lartë të regjistruar në një smartphone. Sigurisht, benchmarks nuk tregojnë gjithçka, por sugjerojnë se OnePlus 11 do të befasojë përdoruesit e rinj me performancën e saj.
Në këtë leak u zbulua një rezultat prej 1,341,080 në AnTuTu benchmark. CPU kishte një rezulat prej 295,159, ndërkohë që GPU 574,508 dhe rezultati i memories ishte 268,112.
Këto numra sugjerojnë një performancë mjaft të mirë në kryerjen e shërbimeve të përditshme si dhe luajtjes së lojrave. Përveç rezultateve të benchmark, në leak shfaqen dhe disa të dhëna të tjera rreth smartphone-it.
Pajisja OnePlus 11 e testuar kishte 16GB RAM dhe 512GB internal storage. Me shumë mundësi ky do të jetë versioni më i shtrenjtë i pajisjes, pasi mund të ketë dhe versione të tjera me çmim më të lirë me 256GB memorie.
Më tepër informacione rreth OnePlus 11 i gjeni këtu.
