Smartphone-t kanë nisur të integrojnë aftësinë për t’u lidhur me satelitët dhe për të kryer telefonata emergjente me ndihmën e hardware-ve special. iPhone 14 ishte smartphone-i i parë që ofroi komunikimin satelitor për situatat emergjente, dhe Samsung po përgatitet për të ofruar një shërbim të tillë në të ardhmen.
Megjithatë një kompani e quajtur AST Space Mobile ka arritur të përdorë një Samsung S22 Ultra të pamodifikuar për të kryer një telefonatë satelitore, pra pa vendosur asnjë hardëare të veçantë në pajisje. Biseda u krye midis një personi në Texas dhe një personi tjetër në Japoni.
Sinjalet që vinin nga S22 Ultra në SHBA, Texas, fillimisht arritën në satelitin BlueWalker 3 dhe më pas u drejtuan për nga smartphone-i tjetër në Japoni. U përdor një spektër valësh të jo të specifikuara nga AT&T, të cilët mundësuan lidhjen satelitore në një smartphone që nuk e ofron një hardëare-in e përshtatshëm.
Përderisa kjo tentativë rezultoi e suksesshme, vërtetohet se çdo smartphone LTE mund të përdoret për të kryer telefonata satelitore.
Në të ardhmen, me përmirësimin e kësaj teknologjie, smartphone-t do të mund të bëjnë telefonata, të dërgojnë SMS si dhe të lidhen në internet pa patur nevojë për një infrastrukturë të shtrenjtë për përhapjen e valëve të celularit.
