Me ardhjen e iOS 17.3 duhet të aktivizoni me patjetër këtë shërbim

Siç ne e kishim treguar dhe në një artikull të mëparshëm, me ardhjen publike të iOS 17.3 ditën e hënë, Apple ka përfshirë një shërbim të ri që rrit sigurinë e smartphone-ve tuaj në rast se ato vidhen.

Bëhet fjalë pikërisht për shërbimin Stolen Device Protection, i cili ka si qëllim të aplikojë disa shtresa sigurie në mënyrë që dikush që ka akses në password-in tuaj të smartphone-it të mos mund të kontrollojë të gjithë jetën tuaj dixhitale. Ky është një mendim mjaft i rrezikshëm duke pasur parasysh se një hajdut mund të shikojë lehtësisht në ekranin tuaj ndërsa jeni duke zhbllokuar pajisjen tuaj dhe më pas të planifikojë në mënyrë strategjike vjedhjen.

Kjo dobësi që përfshin përdorimin e password është e madhe, sepse mund t’i lejojë dikujt tjetër të ndryshojë fjalëkalimin tuaj të Apple ID dhe Apple ID është thelbësore për të hyrë në aplikacionin Find My kur iPhone juaj ka humbur. Një nga mënyrat në të cilat ndihmon funksioni “Stolen Device Protection” është detyrimi për të përdorur Face ID ose Touch ID kur po përpiqeni të ndryshoni fjalëkalimin tuaj të Apple ID në një vendndodhje që pajisja juaj nuk e njeh as si shtëpinë tuaj ose vendin e punës. Pas këtij ndryshimi ju duhet të riskanoni fytyrën tuaj ose gishtin një orë më vonë për të konfirmuar se jeni vërtet ju ai që e keni bërë një ndryshim të tillë.

Për të aktivizuar këtë shërbim, duhet që pajisja juaj të jetë në iOS 17.3. Më pas shkoni në Settings > Face ID & Passcode > Stolen Device Protection dhe aktivizojeni çelës.