Sony ka zgjedhur 1 shtatorin si datën e lançimit të smartphone-it të ri Xperia 5 V, ditën e parë të organizimit të IFA 2023. Geek Room dhe Neptun do të jenë të pranishëm në këtë eveniment madhështor për t’ju njohur me të rejat teknologjike më të fundit, prandaj na ndiqni në rrjetet sociale.
Çfarë duhet të dini rreth Xperia 5 V
Xperia 5 V do të jetë pajisja e dytë flagship e Sony për vitin 2023 pas Xperia 1 V, i cili u lançua në maj. Modelet Xperia 5 janë zakonisht pak më të lira dhe më kompakte se modelet kryesore të Xperia 1, por ato pothuajse gjithmonë kanë specifika të cilësisë së lartë.
Xperia 5 V pritet të vijë me çipin Snapdragon 8 Gen 2 – procesori i nivelit të lartë të Qualcomm që fuqizon disa nga telefonat më të mirë Android të vitit 2023. Fuqia e Sony qëndron te kamerat dhe Xperia 5 V pritet të sjellë një konfigurim me dy kamera. Kjo gjë do të ndodhë për herë të parë në telefonat e familjes Xperia 5. Ne presim që Sony të heqë dorë fare nga sensori telefoto dhe t’i përmbahet një kombinimi të sensorit kryesor + ultra të gjerë. Nuk ka patur shumë informacione në lidhje me specifikat e tjera të këtij smartphone-i, megjithatë mjafton të na ndiqni në rrjetet sociale për të mësuar më tepër në ditën e lançimit.
