Me siguri edhe ti i ke parë, nuk ka faqe interneti ku futesh për herë të parë e cila të mos të të nxjerrë një tabelë ku kërkon leje për Cookies.
Kjo ndodh si pasojë e ligjeve të reja të Bashkimit Evropian të cilat diktojnë se kompanitë duhet të marrin leje specifike nga ty përpara se të fillojnë të mbajnë regjistër.
Çfarë janë ato, ç’ndodh nëse nuk jep autorizim dhe si t’i pastrosh i zbulojmë bashkë.
Një cookie është zakonisht një tekst dokument i cili ruhet në aparatin me të cilin navigon në internet. Aty ruhet emri i faqes dhe një ID unik i cili të përfaqëson ty si përdorues.
Në mënyrë që websajti ta dijë që ke qënë më parë aty, ndaj edhe kontenti mund të përshatet sipas teje pasi të njohin pak më shumë.
Por ka faqe të cilat ruajnë më shumë si:
Kohën që shpenzon në atë faqe.
Linqet që klikon në faqe.
Opsionet dhe preferencat që ti zgjedh.
Llogaritë ku logohesh.
Regjistrimi i faqeve që ke vizituar më parë.
Mallra në koshin virtual nëse faqja shet produkte.
Zakonisht cookies përdoren për të të dhënë një përvojë sa më të mirë, por avokatë të shqetësuar për privatësinë preferojnë të mos kenë informacione për ta, të ruajtura diku.
Çfarë ndodh nëse nuk i autorizon cookies?
Disa faqe mund të të refuzojnë aksesin tek shërbimet e tyre dhe kjo ndodh pasi disa prej tyre nuk funksionojnë tamam pa to. Por në pjesën më të madhe do të mund ta përdorësh internetin edhe pa pranuar cookies.
Nëse i pranon ama, eksperienca do të jetë më e përshtatur dhe materiali më i përshtatshëm për ty. Ndaj nëse nuk je shumë i shqetësuar për privatësinë, cookies nuk janë ndonjë gjë e rrezikshme.
Nga ana tjetër nëse ndërron mendje dhe do t’i fshish ato është fare e thjeshtë:
Shko tek settings i browserit tënd, seksioni i historisë dhe aty duhet të jetë patjetër një buton i dukshëm për të fshirë cookies.
Kjo duhet të fshijë të gjitha, duke liruar edhe një hapësirë të voglël në aparatin tënd.
Sidoqoftë kjo do të të nxjerrë jashtë pjesës më të madhe të websiteve dhe mund të bëjë disa site të duken më ndryshe nga ç’je mësuar.
