Kauza e natyrës ose ‘Materia Natura’ ishte kryefjala e Milan Design Week 2024, një prej eventeve më të rëndësishme në fushën e dizajnit. ‘Materia Natura’ vjen si një thirrje e hapur për sipërmarrjet dhe dizenjuesit për të përfshirë qëndrueshmërinë si një parim kyç në punën e tyre të përditshme krijuese. Koncepti i qëndrueshmërise le pas modelin tradicional ‘krijo – përdor – hidh’ dhe sjell një model të ri të ekonomisë qarkulluese i cili përqëndrohet në riciklimin dhe përdorimin e ri për një sistem të qëndrueshëm.
VEJA, IQOS dhe Sunbrella ishin disa prej dhjetra markave të cilat vizituam përgjatë javës së dizajnit dhe ajo çfarë na tërhoqi ishte mënyra sesi industri të ndryshme kanë përqafuar konceptin e ekonomisë qarkullese dhe ripërdorimit në produktet e tyre.
VEJA
Ne ndaluam në Milan Design Week, në kutinë transparente me mbishkrimin ‘Pastro, Riparo, Hidh’ me një thirrje për të gjithë përdoruesit për të konsideruar riparimin e alteteve të vjetra.
VEJA, si një markë atletesh e sheh ndryshimin te ripërdorimi. VEJA do të thotë ‘të shohësh’ në gjuhën portugeze dhe ky është elementi ‘niche’ që kompania synon të përcjelli. Të shohësh përtej atleteve që përdor dhe të kuptosh sesi ato janë prodhuar. Prej vitit 2005, kompania ka dizenjuar atlete duke u përqëndruar në parimin e drejtësisë ekonomike dhe materialeve ekologjike. Kompania përdor produkte organike dhe një shumëllojshmëri materialesh të ricikluara.
IQOS
Parimin e ripërdorimit e pamë të shtrihet përtej atleteve duke prekur tashmë dhe teknologjinë. Në stendën e IQOS u njohëm me projektin REC, i cili kërkon të ndryshojë mënyrën si ne menaxhojmë mbetjet elektronike duke ricikluar mbi gjysëm milioni pajisje LIL dhe IQOS. Ne mësuam se nga ky proces riciklimi është prodhuar një produkt totalisht i ri. IQOS Refreshed është pajisja e prezantuar së fundmi për tregun Italian. Refreshed lindi nga fakti se hedhja e produkteve nuk është zgjedhja më e mire dhe më e qëndrueshme.
Nga një intervistë e shkurtër me Gianluca Iannelli, drejtuesin e kategorisë të produkteve pa tym në Philip Morris Italia mësuam më shumë mbi prezantimin e këtij produkti të ri dhe qëndrueshmërisë sipas PMI.
Ky produkt buron nga objektivi i kompanisë në Itali dhe në të gjithë botën për të ndërtuar një të ardhme pa tym. Për të arritur këtë objektiv kompania prej 2008 ka investuar më shumë se 12 bilion dollar për të zhvilluar në mënyrë shkencore një alternative për produktet me djegie për t’ju përshtatur nevojave të duhanpirësve që nuk mund ta lenë duhanin. Italia është ‘zemra’ e këtij transformimi që nis me bujqësinë 4.0, kërkimin e thelluar, zhvillimin, trajnimet, kujdesin ndaj klientit deri te riciklimi i pajisjeve.
Gianluca Iannelli, Drejtues i kategorisë së produkteve pa tym në Philip Morris Italia
Ndërkohë për sjelljen e këtyre iniciativave të IQOS në tregun shqiptar, Jorontin Qeraca nga kujdesi i klientit dhe produktit u shpreh:
Aktualisht në vendin tonë praktikohet iniciativa e ‘Trade-in’, ku përdoruesit kthejnë paisjet e përdorura dhe marrin një paisje të re. Ky proces shmang shtimin e mbetjeve dhe këto pajisje asgjesohen në menyre te kontrrolluar, duke bërë diferencimin e materialeve. Po punohet që në te ardhmen këto nisma të cilat po praktikohen globalisht, sic është dhe produkti final IQOS Refreshed, të implementohen edhe në Shqipëri.
Jorontin Qeraca, kujdesi i klientit dhe produktit, Philip Morris Albania
Milan Design Week na dëshmoi se ky transformim nuk ka prekur vetëm produktet e konsumit apo ato teknologjike por dhe materiale të cilat janë kudo rreth nesh, divanet, jastëkët, perdet, çantat, pëlhurat e më gjerë.
SUNBRELLA
Sunbrella, marka amerikane e prodhimit të tekstileve dhe pëlhurave u prezantua në Milano me një instalacion të kuruar nga Liz Collins. Krijmi i Collins riimagjinon si mbetjet e tekstileve mund të ripërdorën në mënyra të reja dhe inspiruese për të krijuar produkte të qëndureshme. Materiali i përdorur për instalacionin është një nënprodukt që vjen nga procesi i tjerrjes dhe nxjerr në pah një koncept të ri të prodhimit qarkullues.
Këto ishin disa prej projekteve që na tërhoqën vëmendjen në Milan Design Week. Jo vetëm për mënyrën sesi industri të ndryshme po përqafojnë ekonominë qarkulluese por dhe sesi ripërdorimi po kthen mbetjet në zgjidhje funksionale dhe të qëndrueshme për përditshmërinë tone.
Po largohemi me një pyetje në mendje. Po ne, a jemi të gatshëm për të përdorur produkte të ricikluara për një të ardhme më të mire, më të qëndrueshme?
