Pavarsisht se shumë platforma kanë tashmë aplikacionet e veta, navigimi në browser mbetet kyç në përditshmërinë tonë. Secili prej nesh në rutinën e vetë ka një sërë faqesh që viziton shpesh për detyra të caktuara, por në vend që t’i lësh të gjitha aty e më pas të bëhesh lëmsh derisa të gjesh tab-in e dështiruar, Google ka sjellë një zgjidhje shumë më efikase. Në përditësimin e ri, Google Chrome për Android do të të lejojë që t’i bashkosh ato në grupe të ndryshme. Nëse të duhet të shkarkosh një këngë të mos kërkosh mes qindra tab-eve pa lidhje, por të kesh vetëm ato që të duhen gati për të bërë punën. Kështu edhe me detyra të tjera të cilat kërkojnë disa faqe njëkohësisht.
Për t’a aktivizuar shërbimin sigurisht që duhet të kesh përditësimin më të fundit të aplikacionit. Më pas hap Chrome dhe në shiritin e kërkimt fut këtë tekst: chrome://flags.
Do të të shfaqet një dritare e tillë:
Kërko për “Tab Grids” dhe zgjidh opsionin “Enabled“. E më pas mbylle dhe hape Chrome, kliko tek katrori për të hapur një tab të ri dhe do shohësh disa kuti grupuese në vend të shumë skedave.
Për të riorganizuar skedarët e tu, mbaje shtypur dhe fute tek grupi i dëshiruar secilën prej tyre. Ose shtyp plusin në krah brenda secilit grup. Për të mos mbajtur shtypur secilën skedë individualisht mund të shkosh tek ikona me tre pika lart djathtas, zgjidh Group tabs e nga këtu do të shohësh të gjithë skedarët e lirë e dritaret për t’i bashkuar. 
E së fundmi sa herë që të mbash shtypur një link ndër opsionet e tij do të të ofrohet edhe mundësia për ta shtuar atë në një grup si tab.
