Gjatë analizës së fitimeve të këtij tremujori, që u zhvillua të enjten pasdite, CEO i Apple Tim Cook përmendi se kompania është duke punuar për të ofruar shërbime të bazuara në inteligjencën artificiale që do të vijnë drejt klientëve “më vonë gjatë këtij viti“.
Kjo përputhet me raportimin nga Mark Gurman i Bloomberg, i cili tha kohët e fundit se iOS 18 mund të jetë përditësimi “më i madh” në historinë e sistemit operativ. Deklarata e Cook – ai përmendi disa herë inteligjencën artificiale gjeneruese, por kurrë nuk u tregoi për diçka specifike – duket se konfirmojnë se ne jemi para një publikimi të madh këtë vjeshtë.
“Ndërsa shohim përpara, ne do të vazhdojmë të investojmë në këto dhe teknologji të tjera që do të formësojnë të ardhmen. Kjo përfshin inteligjencën artificiale, ku ne vazhdojmë të shpenzojmë një sasi të madhe kohe dhe përpjekje, dhe ne jemi të gëzuar për të ndarë detajet e punës sonë të vazhdueshme në atë hapësirë më vonë gjatë këtij viti,” tha Cook në fjalimin e tij të përgatitur.
Analistët u përpoqën të shtypnin Cook të jepte më shumë detaje, por ai nuk ofroi shumë. “Metoda jonë e punës ka qenë gjithmonë krijimi i produktit dhe pastaj të flasim për punën e bërë. Dhe kështu do të jetë edhe këtë vit. Por ne kemi disa gjëra për të cilat jemi tepër të gëzuar, për të cilat do të flasim më vonë këtë vit.”
Shërbimet e AI, duke filluar që nga manipulimi i avancuar i fotografive deri tek përmirësimet e përpunimit të tekstit, kanë qenë një pikë kryesore e shitjes së smartfonëve nga Google dhe Samsung në muajt e fundit.
“Më lejoni të them vetëm se mendoj se ka një mundësi të madhe për Apple me AI gjeneruese dhe me AI, pa hyrë në shumë detaje të tjera”, tha Cook për të përfunduar thirrjen.
