Shumë elemente të kësaj pandemie janë vënë në dyshim e duket vështirë të kesh një opinion totalisht të palëkundur. Ama nëse biem dakort në versionin shkencor se si mund të luftohet një epidemi, teoria bazohet në gjurmimin e rasteve, zbulimin e origjinës dhe izolimin e tyre.
Dhe NBA ka gjetur një super zgjidhje duke mbajtur gjallë sportin, por edhe sportistët.
100 faqe protokoll ka prezantuar federata në mënyrë që të vazhdojë aktivitetin sportiv. Dhe ajo çfarë në pak fjalë thuhet në të është; të mbajmë stafin dhe lojtarët e 22 skuadrave të shëndetshëm brenda flluskës së kompleksit Disney Wide World of Sports në Orlando.
Duke përfshirë distancimin social, testime të shpeshta, dhe teknologji që mund të vishet.
Kjo e fundit na ka marrë vëmendjen pasi bëhet fjalë për një unazë smart. Të gjithë lojtarët do të kenë të drejtë të mbajnë këtë unazë të lehtë prej titaniumi e cila do të monitorojë disa parametra të lojtarit; rrahjet e zemrës, frymëmarrjen, dhe temperaturën e trupit.
Të dhënat e mbledhura nga sensorët e saj do të futen në një algoritëm i cili sipas kompanisë mund të parashikojë fillimin e simptomave të coronavirusit deri në 3 ditë më parë me rreth 90% saktësi.
Unaza është rezistente ndaj ujit deri në 100 metra dhe zgjat deri në 7 ditë me një karikim.
E nëse je i interesuar unaza e krijuar nga komania Finlandeze Oura, normalisht shitet për $299-$399.
Nuk e dimë ende se sa efektive do të jetë kjo copë teknologjie por dy gjëra janë të sigurta, e para ajo unazë duket super cool dhe dy potenciali i teknologjisë që mund të vishet sapo ka filluar të shfaqet.
