Një firmë kaliforniane ka sjellë në jetë llambën ikonike kërcyese të Pixar përmes Ongo, një llambë robotike inteligjente që lëviz, sheh, dëgjon dhe komunikon. E zhvilluar nga Interaction Labs, Ongo përshkruhet si një “mik robotik i tavolinës” që sjell personalitet dhe ndjeshmëri emocionale në ambientin e përdoruesit. Promoja e prezantimit e tregon teksa vëzhgon me kureshtje njerëzit dhe objektet, rregullon dritën sipas nevojave dhe jep kujtesa të dobishme si “Mos harro çelësat”.
Lëvizjet e tij janë dizajnuar nga Alec Sokolow, skenarist i nominuar për Oscar në Toy Story, duke imituar ikonën Luxo Jr, llampën legendare që shfaqet në logon e Pixar-it. Ongo mund të afrojë “sytë” për lexim, të japë sugjerime gjatë gatimit dhe madje të tundet në ritmin e muzikës kur ka festë në shtëpi. Kompania e përshkruan robotin si një pajisje që “kupton ritmin e ditës suaj” dhe reagon ndaj ndryshimeve të humorit apo mjedisit.
We brought in a writer of Toy Story to build a robot that feels alive.
— Karim (@Karim_RC) December 1, 2025
Introducing Ongo, a desk lamp that will light up your life.
Pre-order one of the first 100 units (link below). pic.twitter.com/7CVB9rlCBp
Edhe pse i pajisur me kamera dhe sensorë, Ongo përpunon informacionin vizual në mënyrë lokale dhe nuk dërgon të dhëna në cloud, duke adresuar shqetësimet për privatësinë. Për më shumë siguri, përdoruesit mund t’i vendosin një palë syze të errëta magnetike që i bllokojnë plotësisht shikimin.
Disa komentues e kanë quajtur zërin e Ongos “bezdisës”, por kompania thotë se ai është plotësisht i personalizueshëm, njësoj si personaliteti i robotit. CEO Karim Rkha Chaham pranon se videoja promovuese është gjeneruar kompjuterikisht, por prototipet janë tashmë në punim.
Ongo është i disponueshëm për porosi paraprake me një depozitë të rimbursueshme prej 49 dollarësh, ndërsa çmimi final pritet të jetë rreth 300 dollarë. Dorëzimet e para planifikohen për verën e ardhshme.
