Një ekip studiuesish nga Universiteti Teknologjik Nanyang në Singapor zbuloi kohët e fundit një metodë të re për gjurmimin e lëvizjes së njerëzve në metaverse. Një nga tiparet kryesore të metaverse është aftësia për të përfaqësuar objektet dhe njerëzit e botës reale në botën dixhitale në kohë reale.
Në realitetin virtual, për shembull, përdoruesit mund të kthejnë kokën për të ndryshuar pamjen e tyre e tyre ose të përdorin controllers në botën reale për të ndryshuar mjedisin dixhital. Për të regjistruar këtë aktivitet në metaverse përdoren sensorët e pajisjeve, kamerat ose një kombinim të të dyjave. Megjithatë studiuesit tregojnë se këto mënyra janë shumë të limituara.
Një controller me një sensor lëvizjeje “kap informacionin vetëm në një pikë të trupit të njeriut dhe kështu nuk mund të modelojë një aktivitet shumë kompleks“, shkruajnë studiuesit. Ndërkohë, sistemet e gjurmimit të bazuara në kamera hasin pengesa në mjedise me dritë të ulët dhe pengesa fizike.
Prandaj, ata mendojnë se zgjidhja është përdorimi i sensorëve të Wi-FI për të gjurmuar lëvizjen e njerëzve. Ashtu si sensorët, sinjalet e radios që përdoren për të dërguar dhe marrë të dhëna Wi-Fi mund të përdoren për të ndjerë vendndodhjen e objekteve në hapësirë.
Sensorët WiFi mund të përdoren për të zbuluar rrahjet e zemrës, për të gjurmuar frymëmarrjen dhe modelet e gjumit, madje edhe për të “shikuar”njerëzit përtej mureve.
Gjurmimi WiFi kërkon përdorimin e modeleve të inteligjencës artificiale. Fatkeqësisht, trajnimi i këtyre modeleve ka provuar të ketë një shkallë të lartë vështirësie për studiuesit.
Ekipi nga Universiteti Teknologjik Nanyang krijoi “MaskFi” për të kapërcyer këtë sfidë. Ai përdor modele të AI të krijuara duke përdorur një metodë të quajtur “të mësuarit të pambikëqyrur“. Në këtë rast një model i AI është i trajnuar paraprakisht në një grup të dhënash dukshëm më të vogla dhe më pas kalon nëpër përsëritje të situatave derisa të jetë në gjendje të parashikojë me një nivel të kënaqshëm saktësie.
Sipas studiuesve, sistemi MaskFi arriti rreth 97% saktësi në dy standarde të lidhura. Kjo tregon se ky sistem, nëpërmjet zhvillimit në të ardhmen, mund të shërbejë si katalizator për një modalitet krejtësisht të ri metaverse: një metaverse që mund të sigurojë një paraqitje 1:1 të botës reale në kohë reale.
