Seria Redmi Note 10 vazhdon të rrisë standartet e industrisë duke prodhuar smartphone befasues që fillojnë nga $199. Eventi i sotëm prezantoi para publikut 4 smartphone të rinj: Redmi Note 10 Pro, Redmi Note 10S, Redmi Note 10 dhe Redmi Note 10 5G.
Sigurisht vëmendjen më të madhe e tërhoqi Note 10 Pro me karakteristikat high-end të tij. Në këtë smartphone është përdorur për herë të parë në serine Note një ekran AMOLED DotDisplay 120Hz. Madhësia e tij do të jetë 6.67 inç dhe do t’i dhurojë përdoruesve një eksperiencë shumë të këndshme. Skanuesi i shenjës së gishtit do të jetë në butonin e ndezjes.
Sensori 108MP i telefonit me teknologjinë Dual native ISO ofron kapjen e fotove me shumë detaje dhe përmirësimin e dynamic range. Falë Night Mode 2.0 përdoruesit do mund të kapin foto të qarta dhe në vende ku nuk ka shumë dritë. Gjithashtu smartphone-i do të ofrojë regjistrime pro dhe telemacro time-lapse.
Për sa i përket performancës, Redmi Note 10 Pro vjen në treg me proçesorin 4G Snapdragon 732 i cili është i përshtatshëm për gamers dhe streamers.
Vlen të përmendet fakti që brenda në kuti do të ofrohet dhe karikuesi 33W fast charging, qe do të karikojë baterinë 5020mAh, pasi shumë kompani ndaluan përfshirjen e karikueses në kuti një vit më parë.
Çmimi i Redmi Note 10 Pro do të nisë nga $279 dhe do të ofrohet në ngjyrat Onyx Gray, Glacier Blue dhe Gradient Bronze.
Karakteristikat e smartphone-ve të prezantuar shfaqen në foton e dhënë.
