Shtatori është tradicionalisht muaj lançimi produktesh për Apple. Sado që do të kishim dëshirë gjasat për të parë iPhone 12 janë fare të ulta. Vetë kompania ka lajmëruar investitorët e vetë se smartphoni do të vonojë disa javë, parashkimet e para flasin për mesin e tetorit.
Megjithatë Apple ftoi pak ditë më parë të ndjekim një event më 15 shtator ora 17:00 sigurisht live. Nën titullin “Time Flies” pritet lançimi i dy smartwatch-eve të reja, disa tableta dhe software.
Sipas produkteve të regjistruara në Eurasian Economic Commision, pritet të shohim Apple Watch Series 6 e cila do të ketë bateri më të mirë, monotorim të gjumit dhe të paktën një opsion monitorimi shëndetësor. Si më i përfoluri është një sistem i ri matës i nivelit të oksigjenit në gjak.
Për herë të parë pritet të shohim prapashtesën SE në një orë inteligjente të Apple teksa përflitet se do shohim të njëjtën formë të Series 3 por me proçesor të ri, i cili mund të kushtojë $200.
iPad Air do të ketë një ekran më të madh dhe korniza më të vogla dhe design të ngjashëm me Pro e momentit.
E së fundmi meqenëse do të shohim produkte të reja edhe sistemet operative të tyre do të përditësohen. WatchOS 7 dhe iPadOS 14 pritet të kenë premierë në 15 shtator.
Eventi mund të ndiqet në faqen zyrtare të Apple ose kanalin në YouTube.
