Traileri i që bëri për herë të parë të ditur ekzistencën e Grand Theft Auto VI është rikrijuar në jetën reale dhe rezultatet janë mjaft mbresëlënëse. YouTuber-i Andrew Levitt bëri një rikrijim të trailerit duke bashkuar videot e regjistruara nga vetë ai, Primecutpro dhe burime të tjera video.
Videoja përdor gjithashtu të njëjtën këngë si traileri i vërtetë, “Love Is a Long Road” i Tom Petty. Hidhini një sy trailerit më poshtë dhe videos tjetër, në të cilën Levitt ofron një vështrim nga prapaskenat se si ai dhe ekipi i tij e bashkuan videon dhe vështirësitë që ata hasën për të regjistruar videon. Është diçka mjaft mbresëlënëse.
Trailer-i e që konfirmoi zhvillimin e GTA VI regjistroi shifra mbresëlënëse të shikueshmërisë, gjë që nuk është befasi duke qenë se ky lançim konsiderohet nga disa persona si më i rëndësishmi në historinë e video-lojrave. GTA VI pritet të dalë në treg në 2025, por disa presin një vonesë duke pasur parasysh se pothuajse çdo titull i Rockstar Games në 10+ vitet e fundit është vonuar.
GTA VI thuhet se është tani në fazat e fundit të zhvillimit. Një raport i fundit tha se loja mund të dalë në vjeshtën e 2025 ose mund të shtyhen në fillimin e 2026.
