Deri në një e treta e majmunëve të mëdhenj të Afrikës kërcënohen nga një shpërthim i projekteve të minierave për mineralet të rralla që janë të nevojshme për kryerjen e tranzicionit drejt energjisë së rinovueshme, tregon një studim i ri.
Rreth 180,000 gorilla, bonobo dhe shimpanze janë në rrezik për shkak të rritjes së kërkesës për minerale të rralla si bakri, litiumi, nikeli dhe kobalti, ka zbuluar një studim. Shumë prej këtyre mineraleve kërkohen për teknologjitë e energjisë së pastër si turbinat e erës dhe makinat elektrike.
Studiuesit thonë se bumi i kërkesës po shkakton shkatërrimin e pyjeve tropikale, të cilët janë habitate të rëndësishme për majmunët e mëdhenj të Afrikës. “Afrika po përjeton një bum të paprecedentë të minierave që kërcënon popullatat e kafshëve të egra dhe ekosistemet e tëra”, shkruan studiuesit në punimin, botuar në Science Advances.
Afrika është shtëpia e rreth 30% të burimeve minerale të botës dhe rritjet e konsiderueshme të prodhimit në energjinë e rinovueshme pritet të rrisin kërkesën. Minierat dëmtojnë majmunët përmes shkatërrimit të habitatit të tyre, ndotjes dhe sëmundjeve. Kjo gjë gjithashtu mund t’i bëjë habitatet më të aksesueshme për gjuetarët dhe fermerët, pasi janë hapur rrugë të reja në pyll. Më shumë se dy të tretat e specieve të primatëve janë tashmë në rrezik zhdukje.
“Një zhvendosje nga lëndët djegëse fosile është e mirë për klimën, por duhet të bëhet në një mënyrë që të mos rrezikojë biodiversitetin,” tha studiuesja kryesore Dr Jessica Junker nga organizata jofitimprurëse e ruajtjes Re:ëild. “Në momentin aktual, madje mund të jetë kundër qëllimeve mjedisore që ne po synojmë … Është thelbësore që të gjithë të adoptojnë një mentalitet të konsumit të reduktuar.”
Studimi zbuloi se ndikimet më të mëdha te majmunët ishin në vendet e Afrikës Perëndimore, Liberi, Sierra Leone, Mali dhe Guinea. Në Guinea, më shumë se 23,000 shimpanze (83% e popullatës) mund të preken nga aktivitetet minerare.
