D23: The Ultimate Disney Fan Event (e njohur edhe si D23 Expo) është shndërruar në qendrën e prezantimit të të gjitha njoftimeve të Disney Parks. Paneli i Disney Experiences Showcase të shtunën ishte vendi ku drejtuesit e Disney njoftuan gjithçka që po vjen në Disney Parks anembanë globit.
Më poshtë do të flasim rreth të gjitha njoftimeve të bëra në D23 2024:
Monsters Inc. Land në Disney Hollywood Studios
Toka e re Monsters Inc. do të transportojë klientët në Monstropolis për një vizitë në fabrikën famëkeqe të të qeshurave. Brenda Fabrikës së Qeshjeve do të jetë rollercoaster-i i parë i varur në një park Disney, të inspiruar nga makineria e lëvizjes së dyerve në film!
“Do të hyni në fabrikë dhe do të përjetoni rollercoaster-in e parë të varur ndonjëherë në një park Disney. E mbani mend në film se si ato kthetra kapin dyert dhe i ngrenë në ajër për t’i hequr? Këtë po bëjmë edhe ne. Dhe ju përgatituni për një udhëtim, “shpjegoi Josh D’Amaro, kryetar i Disney Parks and Resorts. Puna është vendosur të fillojë vitin e ardhshëm, por nuk ka detaje se kur aksesi do të jetë i mundur për klientët.
Për sa i përket Disneyland, lajmi i parë i madh është se Tiana’s Bayou Adventure do të hapet në datën 15 nëntor!
Avengers Infinity Base dhe Avatar Land në Disney California Adventure
Ndryshime të reja që pritet të vijnë në Disney California Adventure është ndërtimi i atraksionit Avengers Infinity Defense, që fillon ndërtimin vitin e ardhshëm, si dhe Avatar Land. Udhëtimi do të ofrojë “teknologji” që ju dërgon në botë të ndryshme, duke ju dërguar në vende si Ëakanda, Asgard dhe Neë York për të luftuar përkrah Avengers.
Po përsa i përket filmave, çfarë njoftoi Disney?
Në ditën e parë të ngjarjes gjatë fundjavës u bë i ditur rikthimi i disa klasikëve të Disney si The Incredibles 3, Toy Story 5 (vjen në verën e 2026) dhe Frozen 3 (në vitin 2027).
Megjithatë Disney nuk është mjaftuar me kaq, pasi ka nisur projektet për zhvillimin e historive të reja nga filmat më të njohur, si përshembull Moana 2 (do të vijë në vitin 2026), një remake i Borëbardhës, remake i Lilo & Stitch (në verën e 2025), Zootopia 2 (verën e vitit 2025), Star Wars: Skeleton Crew, Agatha All Along, Avatar 3 dhe shumë tituj të tjerë.
