Lojërat Olimpike 2024 do të fillojnë më 26 korrik në Paris, Francë, pasi 10,500 atletë do të garojnë për të marrë medaljet e lakmuara sportive. Më poshtë ne do të përmendim 10 gjëra që duhet të dini rreth këtij eventi të madh sportiv.
Sporti i ri Olimpik
Lojërat e Parisit do të shfaqin një sport të ri olimpik: breaking, një stil kërcimi urban që i ka rrënjët në kulturën hip-hop. Konkursi do të ketë dy organizime – një për meshkuj dhe një për femra – dhe do të mbahet nga data 9 deri në 10 gusht në Paris pas suksesit të tij në Lojërat Olimpike Verore për Rininë në Buenos Aires në 2018.
Kulla Eifel do të jetë pjesë e Olimpiadës
Kulla e Eifelit do të jetë pjesë e Lojërave Olimpike në më shumë se një mënyra. Ndërsa ngjarja e volejbollit të plazhit do të mbahet në një arenë të përkohshme në natyrë nën kullë, atletët do të mbajnë gjithashtu një pjesë të monumentit në shtëpi pasi medaljet olimpike do të zbukurohen me metal hekuri origjinal të marrë nga Kulla Eifel.
Surfing në një vend të largët
Ndërsa Parisi është qyteti pritës kryesor, ngjarjet do të mbahen në 16 qytete të tjera në të gjithë Francën metropolitane. Sidoqoftë, gara e surf-it do të jetë më e veçanta – që do të zhvillohet në territorin francez të Tahitit, në valët legjendare Teahupo’o të Oqeanit Paqësor. I vendosur 15,000 km larg Parisit, vendi i surf-it do të thyejë rekordin për garën më të largët për medalje të organizuar jashtë një qyteti olimpik pritës.
Parisienët kanë mundësinë të përjetojnë eksperiencën e atletëve
Për herë të parë në histori, publiku mund të ketë një përvojë olimpike si atletët, duke pasur mundësinë të vrapojnë të njëjtin rrugë të maratonës olimpike në të njëjtën ditë me atletët. Në këtë ngjarje pritet pjesëmarrje masive prej 35,000 vrapuesish amatorë.
Notimi në Seine
Nga viti 1923 deri vonë, noti ishte ndaluar në Seine për shkak të problemeve të cilësisë së ujit dhe për dekada, lumi ishte shumë toksik për shumicën e peshqve. Organizatorët e Parisit i kanë siguruar vazhdimisht garuesit se uji do të jetë mjaft i pastër për të notuar gjatë Lojërave Olimpike, dhe tashmë atletët pjesëmarrës do të notojnë për të fituar medaljet e tyre në këtë lum.
Njihuni me maskotat
The Phryges janë maskotat zyrtare të Lojërave Olimpike dhe Paraolimpike Paris 2024. Ato bazohen në kapelet tradicionale të vogla Phrygian, një simbol i Francës. Organizatorët olimpikë thonë se emri dhe dizajni u zgjodhën si simbole të lirisë dhe për të përfaqësuar figura të Republikës Franceze.
100 vjetori i rikthimit të Lojërave Olimpike në Paris
Lojërat e vitit 2024 do të shënojnë rikthimin e Olimpiadës në Paris pas 100 vjetësh. Parisi priti fillimisht Lojërat Olimpike në 1900 dhe më pas në 1924. Kryeqyteti francez do të bëhet qyteti i dytë që do të presë Olimpiadën tre herë, pas Londrës (1908, 1948 dhe 2012).
Barazi e plotë gjinore
Paris 2024 do të jetë Olimpiada e parë në histori që do të arrijë barazinë numerike gjinore në fushën e lojës, me një numër të barabartë sportistësh femra dhe meshkuj që marrin pjesë në ngjarjen më të madhe sportive në botë. Nga 10.500 sportistë që marrin pjesë në lojëra, 5.250 do të jenë meshkuj dhe 5.250 femra.
Nuk dini frëngjisht? Nuk ka asnjë problem
Sistemi i transportit publik të Parisit (RATP) ka siguruar më shumë se 3,000 agjentë me pajisje përkthimi të mbështetura në AI për të ndihmuar qindra mijëra turistë të lundrojnë rrugët gjatë Lojërave Olimpike. Pajisja mund të përkthejë midis frëngjishtes dhe 16 gjuhëve të ndryshme.
Paksa vapë, apo jo?
Nuk do të ketë ajër të kondicionuar në dhomat e atletëve në Paris 2024, i cili është zotuar të jetë Olimpiada më miqësore me mjedisin e organizuar ndonjëherë. Në vend të kësaj, ndërtesat në fshatin e atletëve janë projektuar me një sistem ftohjeje që merr ujin nga nëntoka dhe fasadat janë rregulluar në mënyrë që të t’ju bie sa më pak diell në mënyrë të drejtpërdrejtë.
