Kanë kaluar pothuajse 4 vite që nga prezantimi i parë i Tesla Cybertruck, një model tepër i veçantë si për nga dizajni dhe nga materiali i çelikut, dhe më në fund Tesla ka konfirmuar planet për të filluar dorëzimin e grupit të parë të automjeteve masive drejt klientëve më 30 nëntor.
Kohët e fundit janë raportuar shpesh herë në internet ngarkesa me Cybertruck në Kaliforni, ndoshta duke bërë rrugën e tyre drejt përgatitjes përfundimtare për dorëzim. Por mos prisni vëllime të larta prodhimi, çmime të ulëta ose gjenerim të menjëhershëm të fitimeve, u tha CEO i Tesla Elon Musk investitorëve në një mbledhje për të diskutuar mbi fitimet e tremujorit të tretë të kompanisë.
Musk thotë se e ka përdorur vetë Cybertruck dhe se “është një produkt i mrekullueshëm“. Por “do të ketë sfida të mëdha në prodhimin në masë të Cybertruck dhe në gjenerimin e fitimeve nga kjo makinë“. Fabrika e Teksasit ka kapacitetin për të prodhuar 125,000 Cybertrucks në vit, dhe Musk tregon se ka 1 milion njerëz që kanë rezervuar një të tillë.
Kapaciteti i prodhimit të këtij modeli në fabrikat e kompanisë nuk do të rritet në mënyrë të shpejtë, pasi prodhimi i Cybertruck është tepër i vështirë për momentin, siç mësohet nga dokumentet e bëra leak gjatë verës.
“Unë mendoj se është produkti ynë më i mirë që kemi prodhuar ndonjëherë,” thotë CEO, por për shkak se është kaq i ndryshëm, do të jetë i vështirë për t’u prodhuar.
Dhe të fitosh para nga shitja e tyre, edhe pse çmimi përfundimtar nuk është shpallur, duket i vështirë në këtë pikë. Është jashtëzakonisht e vështirë ta prodhosh Cybertruck me një çmim që njerëzit mund të përballojnë, tha Musk, një sfidë e përkeqësuar nga normat më të larta të interesit duke rritur më tej çmimet e automjeteve. Makina fillimisht u premtua se do të vinte me një çmim fillestar prej $40,000 përpara se kompania të tërhiqte këtë shifër në 2022.
