TikTok ka konfirmuar praninë e një sulmi kibernetik që ka në shënjestër kompanitë e njohura apo personazhet e famshëm, duke përfshirë Paris Hilton dhe CNN. Hakerët kanë dërguar mesazhe direkte (DM) drejt këtyre llogarive në një përpjekje për të instaluar një malëare në pajisjen e tyre. Ky malware po i jep akses kriminelëve kibernetikë në llogarinë TikTok të viktimës nga distanca, sipas ekspertëve.
Në një deklaratë, TikTok konfirmoi hakimin dhe e përshkroi kërcënimin si një “shfrytëzimi potencial”.
“Ne kemi bashkëpunuar ngushtë me CNN për të rivendosur aksesin në llogari dhe për të zbatuar masa të zgjeruara sigurie për të mbrojtur llogarinë e tyre duke ecur përpara,” tha kompania. “Ne jemi të përkushtuar për të ruajtur integritetin e platformës dhe do të vazhdojmë të monitorojmë për çdo aktivitet të mëtejshëm joautentik.”
Një zëdhënës i TikTok tha se llogaria e Paris Hilton ishte gjithashtu nën shënjestër, por nuk ishte komprometuar, sipas BBC. Jake Moore, ekspert i teknologjisë dhe këshilltar sigurie në ESET, tha se ky është një lloj ‘sulmi zero-click” – ku përdoruesi i TikTok as nuk duhet të klikojë ndonjë link në mesazh për t’u prekur. Malware instalohet thjesht duke hapur mesazhin e dërguar nga hakerët.
Është e paqartë se çfarë mesazhi ishte dërguar drejt CNN apo Paris Hilton, por mund të ketë qenë një foto, një videoklip apo edhe thjesht kod. Qëllimi do të ishte të fitohej kontrolli për të postuar më pas përmbajtje.
Edhe pse fillimisht shkoi pas përdoruesve të profilit të lartë si Paris Hilton dhe CNN, llogaritë më pak të njohura dhe anëtarët e publikut mund të kenë qenë gjithashtu në shënjestër.
“Disa përdorues do ta kishin hapur për fat të keq “, shtoi Moore. “Unë imagjinoj se sulmuesit do ta kishin testuar atë në llogari të profilit të lartë fillimisht për të fituar përhapje të gjerë.”
