Meta do të ofrojë më në fund një mënyrë që ju të fshini profilin tuaj në Threads pa pasur nevojë të fshini edhe llogarinë tuaj në Instagram. Ju do të jeni në gjendje të përdorni shërbimin e ri nga menuja e Settings në një seksion të ri “Delete or Deactivate Profile“, sipas një postimi nga shefi i Instagram, Adam Mosseri.
Ndoshta ky shërbim mund të mos jetë ende i aksesueshëm nga të gjithë, por me shumë mundësi Meta do ta bëjë të disponueshëm së shpejti. Kjo aftësi e re për të fshirë vetëm profilin tuaj Threads adreson një ankesë të hershme nga përdoruesit për aplikacionin, i cili aktualisht kërkon që të regjistroheni me një llogari në Instagram.
Megjithatë, menjëherë pas lançimit të aplikacionit, Mosseri tha se kompania po “shikonte” një mënyrë për të ofruar fshirjen e një llogarie Threads pa ndikuar aspak në llogarinë e Instagram. (Dhe nëse nuk dëshironi të fshini përgjithmonë profilin tuaj Threads, gjithmonë mund ta çaktivizoni atë.)
Mosseri ndau gjithashtu se platforma po ofron një mënyrë për të ndaluar shfaqjen e postimeve tuaja të Threads në Facebook dhe Instagram. Shërbimi u shfaq fillimisht gjatë fundjavës dhe Meta e prezantoi pasi “dëgjoi reagimet se ju dëshironi më shumë kontroll mbi përvojën në aplikacion“, thotë Mosseri.
Shefi ekzekutiv i Meta, Mark Zuckerberg tha muajin e kaluar se Threads ka pothuajse 100 milionë përdorues në muaj. Ekspertët e aplikacioneve kanë gjetur disa prova të disa veçorive të tjera të reja që mund të vijnë në aplikacion, duke përfshirë hashtags dhe DM.
