Të dhënat e grumbulluara nga një raportim i SafeHome.org, i quajtur “Parenting In America Report”, ka zbuluar se siguria e fëmijëve në rrjetet sociale është shqetësimi kryesor i prindërve, për sa kohë nuk ekzistojnë rregulla në internet për fëmijët e tyre.
Ky raport ekzaminon shqetësimet e sigurisë dhe vendimet e prindërve, lidhur me përdorimin e teknologjisë dixhitale. Të dhënat tregojnë se prindërit janë më tepër të shqetësuar për sigurinë dixhitale të fëmijëve të tyre se atë fizike. Kjo gjë ndodh për shkak të rritjes së rreziqeve në botën online, si takimet me “predatorët” e fëmijëve, bullizimi dhe ekspozimi ndaj përmbajtjeve të papërshtatshme.
Më poshtë do të renditen se cilat janë shqetësimet kryesore të prindërve në bazë të raportit.
- Interneti / rrjetet sociale (70%)
- Marrëdhëniet seksuale të mbrojtura (për adoleshentët) (62%)
- Autonomia e trupit (61%)
- Siguria në makinë (60%)
- Bullizmi (59%)
Dhe pse në SHBA ka mënyra të ndryshme edukimi të fëmijëve, prindi mesatar amerikan pritet të kryejë veprime që i konsiderojnë si më të mirat për mirëqenien fizike dhe emocionale të fëmijëve të tyre.
Për sa kohë teknologjia vazhdon dhe avancon dita-ditës, mund të jetë disi e vështirë për prindërit që të dinë se ku të fillojnë dhe si të kuptojnë më mirë fëmijët e tyre për t’i mbrojtur.
