CEO i Meta, Mark Zuckerberg mendon se Apple nuk ka shpikur ndonjë produkt të shkëlqyer prej disa kohësh dhe se mbështetet akoma në sukseset e bëra në të shkuarën. “Steve Jobs shpiku iPhone dhe tani ata vazhdojnë të mbështeten në të 20 vjet më vonë, “tha ai këtë javë.
Zuckerberg i bëri deklaratat gjatë një podkasti gati tre-orësh me Joe Rogan, ku, së bashku me diskutimin e ndryshimeve të politikës së moderimit të Metës dhe kthimit kundër politikave të diversitetit dhe përfshirjes, ata diskutuan dhe rreth Apple dhe politikave të saj. Biseda filloi në fakt me problemet e Rogan me Apple. Rogan tha se ai po kalon “nga Apple në Android” pjesërisht sepse nuk “i pëlqen të jetë i lidhur me një kompani“. Ai gjithashtu nuk është një adhurues i politikave të App Store të Apple.
“Mënyra se si ata bëjnë atë dyqan Apple, ku marrin 30% të fitimeve të zhvilluesve. Kjo duket aq e çmendur si ata mund të shpëtojnë duke e bërë një gjë të tillë.
“Unë kam disa mendime për këtë,” tha Zuckerberg. Ndërsa ai e vlerëson iPhone si “padyshim një nga shpikjet më të rëndësishme ndoshta të të gjitha kohërave“, ai argumentoi se Apple ka vendosur rregulla që “ndjehen arbitrare“. Zuckerberg tha se Apple “ka penguar plotësisht aftësinë e kujtdo tjetër për të ndërtuar diçka që mund të lidhet me iPhone në të njëjtën mënyrë” si produktet e vetë Apple, si AirPods.
Nëse Apple do t’i lejonte njerëzit e tjerë të përdorin protokollin e tij, “ndoshta do të kishte konkurrentë shumë më të mirë për AirPods atje“, tha Zuckerberg. Natyrisht, biznesi qëndron pas bindjeve të Zuckerberg.
Meta ka pasur probleme të vjetra me Apple dhe 30% që merr për disa transaksione në App Store. Kufizimet e Apple për iOS e kanë bërë më të vështirë për Meta të konkurrojë në harduer dhe kanë zhdukur miliarda dollarë në reklama.
Zuckerberg tha se nëse “rregullat e rastësishme” të Apple nuk do të zbatoheshin, Meta do të bënte “dyfishin e fitimit ose diçka tjetër” bazuar në llogaritjet e tij.
Zuckerberg beson se mbështetja e Apple “vetëm për të avancuar gjërat e tyre” përfundimisht do ta dëmtojë kompaninë. Apple “ka qenë kaq jashtë lojës së tyre për sa i përket mos lëshimit të shumë gjërave inovative,” tha ai. Ai tha se industria e teknologjisë është “super dinamike” dhe “nëse thjesht nuk bën një punë të mirë për 10 vjet, përfundimisht, thjesht do të mundesh nga dikush“.
