Zoom do të lejojë të gjithë përdoruesit e saj të shfaqen në video-telefonatën e tyre të rradhës si një lepur, një dhelpër, një qen, apo disa lloje të tjera kafshësh duke përdorur shërbimin e ri Avatars.
Ky shërbim i ri që përfshihet në update-in 5.10 të Zoom ju zëvëndëson me një karkater virtual që kopjon mimikat tuaja të fytyrës. Zoom e shikon këtë shërbim si tepër të nevojshëm në disa raste të ndryshme, si përshembull në komunikimin e mjekëve pediatër me fëmijët ku ato do të duken më tërheqës për fëmijët.
Një studim ka treguar se konferencat në Zoom bëhen tepër të lodhshme për pjesëmarrësit pasi ato qëndrojnë gjatë gjithë kohës duke vëzhguar veten e tyre për t’u siguruar se duken mirë, dhe përdorimi i shërbimit Avatars ju ndihmon të largoni këtë lodhje.
Për të aktivizuar Avatars, përdoruesit duhet të klikojnë në butonin ^ pranë butonit Start / Stop video, dhe më pas të klikojnë mbi Choose Video Filter. Më pas, mjafton të përzgjedhin kafshën që pëlqejnë. Ju mund të zgjidhni gjithashtu që filtri të aplikohet në të gjitha meetings që ju do të kryeni në të ardhmen.
Megjithatë mbetet për t’u parë se sa do të përdoren këto filtra të reja në Zoom, jo sepse ato nuk janë gallatë, por sepse shumica e njerëzve në Zoom nuk e tolerojnë një gjë të tillë. Imagjinoni të futeni në video-telefonatën me kolegët tuaj për diskutimin e një çështjeje me rëndësi duke vendosur një avatar me kafshën tuaj të preferuar. Me shumë mundësi dikush do t’ju kërkonte të largoheshit nga ajo mbledhje (ndoshta dhe nga kompania ku punoni).
