Në këto ditë të vështira pandemie menduam t’i vijmë botës në ndihmë me një hile e cila mund ta bëjë botën një vend më të mirë për të jetuar.
Një detyrë kaq e thjeshtë sa të fusësh një USB në portë duhet të jetë krejt bazike apo jo?
E megjithatë askush nuk mund të thotë se nuk e rrotullon të paktën 2 herë përpara se tia dalë mbanë. Pse? Magji e zezë me siguri.
Zgjidhja është e thjeshtë: shiko dy vrimat katrore.
Nëse nëpërmjet tyre sheh konektorët metalik do të thotë që ajo është ana e sipërme e USB-së. Nëse sheh plasikën e ngjyrosur ajo është ana e poshtme.
Mund të përdorësh edhe logon USB si përcaktues i anës së sipërme, por kur kjo logo mungon, marifeti i mësipërm funksionon më së miri.
Kaq pak duhet, për një jetë më të mirë, e pse jo për të shitur ca mend tek shoqëria.
Do të vijë një ditë e artë kur të gjithë do të përdorin vetëm USB-C e cila nuk diskriminon poshtë apo lartë, deri atëherë, sytë tek vrimat katrore.
