Për më shumë se një dekadë, Samsung ka pajisur telefonat dhe tabletët e saj të nivelit të lartë me një laps S Pen. Është mbështetur gjithmonë në teknologjinë e Wacom për performancë të lartë të lapsit.
Megjithatë, kompania duket se është duke punuar për të zhvilluar një S Pen të ri me teknologji që përmirëson eksperiencën e përdorimit. Është raportuar se Samsung po punon me firmën koreano-jugore të çipave HiDeep për të zhvilluar një teknologji të re që nuk ka nevojë për bateri të veçantë. Pasi të përfundojë zhvillimi, firmat mund ta shpërndajnë teknologjinë dhe tek markat kineze të smartfonëve.
S Pen Stylus që Samsung aktualisht përdor shfrytëzon teknologjinë EMR të Wacom, e cila është e vlerësuar në industri për performancën e saj të lartë. Megjithatë, ajo ka nevojë për pajisje të veçanta për të dixhitalizuar lëvizjet e kryera, të cilat shtojnë trashësinë e pajisjes, por mund të funksionojë dhe pa një bateri.
Për krahasim, Apple Pencil për iPad nuk ka nevojë për dixhitalizues, por ka nevojë për një bateri. Ai përdor një komponent të hollë drejtkëndësh në ekranin e pajisjes për të regjistruar prekjet e s. Për këtë arsye lapsat e Apple dhe Samsung nuk mund të përdoren në pajisje të ndryshme.
HiDeep synon të zhvillojë një zgjidhje që funksionon me të gjitha markat. Në gusht 2024, kompania tha se po punonte me një kompani globale smartphone-sh. Muajin e kaluar, ajo tha se marka e smartphone-ve do të shfrytëzojë teknologjinë e re të lapsit në gjeneratat e ardhshme.
Ishte ETNews i pari që raportoi se kjo kompani është Samsung. Nëse ky lajm është i vërtetë, dhe smartphone-t e palosshëm mund të pajisen me S Pen. Meqenëse Samsung Display tashmë furnizon panele OLED të palosshme për shumë marka kineze të telefonave inteligjentë, është e interesuar të ofrojë panele OLED dhe teknologjinë e re të lapsit që nuk ka nevojë për një dixhitalizues.
