$58.6 bilion pasuri, themelues i Alibaba dhe ndoshta i më të njohurës Aliexpress, Jack Ma është sot ndër zërat më influencues në botën e teknologjisë.
Nëpërmjet fondacionit të tij ai ndihmoi një pjesë të mirë të botës duke dërguar maska e ventilatorë në disa spitale. E gjatë kësaj kohe ka qenë i zënë edhe duke kritikuar hapur qeverinë kineze për mënyrën e taksimit të biznesit por edhe për bankat shtetërore.
Në Kinë ekziston fjala e lirë deri në njëfarë pike, si banor i thjeshtë mund të shprehesh goxha por nëse je i famshëm e me ndikim ka mjaft limite. Pas një urdhri për të mos u larguar nga shteti, Jack Ma nuk është parë më në publik prej gati dy muajsh, pikërisht pas muajit të deklaratave të mësipërme.
Prezenca e fundit publike qe planifikuer në finalen e kompeticioni të themeluar nga vetë ai, “Africa’s Business Heroes“. Ai nuk arriti të ishte pjesë e tij, dhe një përfaqësues i Alibaba u shpreh se shkak për këtë qe një konflikt kalendarik.
Ma ishte një mbështetës i fuqishëm i kompeticionit dhe madje kishte shprehur publikisht entuziazmin e tij për pjesëmarrjen në panelin e jurisë së finales.
U bënë dy muaj që Jack Ma nuk shfaqet publikisht, entet ligjore kineze janë duke hetuar kompaninë e tij për praktika monopolistike.
Ndërsa gishtat drejtohen nga qeveria kineze për zhdukjen e Ma, askush nuk e di të vërtetën, përderisa monopolin e saj e ka po e njëjta qeveri.
