JPMorgan ofroi falas një shërbim të inteligjencës artificiale të quajtur Cash Flow Intelligence AI vitin e kaluar për klientët e saj, kryesisht korporatat, dhe tani banka thotë se shërbimi ka ndihmuar disa prej tyre të reduktojnë punën manuale të kryer nga njerëzit me afro 90%, sipas një raporti të Bloomberg.
Rreth 2,500 klientë të paidentifikuar përdorin mjetin e AI, gjë që e bën atë mjaft të suksesshëm që JPMorgan mund të fillojë ta tarifojë për të një ditë, sipas të njëjtit raport.
“Parashikimi i fluksit të parave është shumë kompleks dhe keni nevojë për shumë gjykim,” tha Tony Wimmer, kreu i të dhënave dhe analitikës në JPMorgan.
Wimmer, i cili drejton një ekip prej rreth 300 shkencëtarësh të të dhënave, inxhinierë të dhënash dhe punonjës të tjerë, beson se “makineritë e përmirësuara nga njerëzit do të jenë të pranishme për një kohë të gjatë“.
Gjithashtu dhe CEO i JPMorgan, Jamie Dimon, beson në të njejtën teori, dhe në tetor parashikoi se gjenerata e ardhshme ndoshta do të punojë 3.5 ditë në javë falë AI. Kompania vendosi një objektiv për të gjeneruar $1.5 miliardë në vlerë biznesi me AI në 2023. Në website-in e JPMorgan shërbimi përshkruhet si “një ndërfaqe intuitive e AI” që analizon, rendit dhe kategorizon flukset monetare të kompanisë. Ai gjithashtu mund të ndihmojë klientët të bëjnë parashikime.
