Mobile World Congress u rikthye në vitin 2022 me një event me pjesëmarrjen e fansave pas një pushimi 2 vjeçar për shkak të përhapjes së pandemisë COVID-19. MWC i këtij viti premton fansat se do të jetë më i madh, akoma më i mirë dhe me më tepër produkte inovative që do të prezantohen për herë të parë në këtë event.
MWC 2023 do të organizohet si çdo vit në Barcelonë, Spanjë në datat 27 shkurt deri në 2 mars. Përveç eventit fizik, fansat do të kenë mundësinë të jenë të pranishëm virtualisht, pasi shumë kompani do të transmetojnë live deklaratat e tyre për shtyp. Shumica e kompanive të mëdha si Oppo, Huawei, Honor, Xiaomi, OnePlus dhe Samsung kanë konfirmuar pjesëmarrjen e tyre në këtë event.
Më poshtë do të tregojmë se çfarë pritet që këto kompani të prezantojnë në MWC 2023.
Honor
Me fjalinë “Unleash the Power of Magcic”, Honor tërheq vëmendjen e të gjithë fansave që kanë dëshirë të shikojnë nga afër serinë e re Magic5 dhe Magic V të palosshëm, duke sugjeruar se këto pajisje do të vijnë tashmë në tregun ndërkombëtar.
OnePlus
Nuk ka shumë informacione mbi zhvillimin e një smartphone-i të ri OnePlus 11 Concept, megjithatë ka disa spekulime se OnePlus do të lançojë pajisje të palosshme gjatë 2023.
Huawei
Dhe pse nuk është treguar se do të prezantohet një pajisje e re gjatë eventit, divizioni ICT (Information and Comunication) ka konfirmuar pjesëmarrjen në MWC 2023. Qarkullojnë disa zëra se kompania po përgatitet për të prezantuar serinë P60 në mars, kështu që mund të shfrytëzohet MWC për këtë prezantim.
Samsung
Dhe pse produktet si seria S23 dhe Galaxy Book3 janë prezantuar, është e rëndësishme të ndjekim nga afër njoftimet e Samsung, pasi mund të ketë ndonjë surprizë.
Realme
Realme ka konfirmuar se do të prezantojë globalisht Realme GT3, me sistem karikimi 240W, më i shpejti në botë.
Oppo
Oppo duket se ka plane më të mëdha se prezantimi i Find N2 Flip për eventin MWC 2023. Pritet që kompania të prezantojë smartphone-in më të ri flagship Find X6.
Xiaomi
Tashmë që u prezantua dhe versioni global i Xiaomi 13, diskutohet se kompania mund të prezantojë një version ultra në këtë seri. Xiaomi 13 Ultra pritet që të përdorë proçesorin Snapdragon 8 Gen 2 dhe të zhvillojë kamerat në bashkëpunim me Leica.
Motorola
Ekziston mundësia që Motorola të prezantojë flagship-in Motorola Edge 40 Pro, i cili është lançuar më parë në Kinë me emrin Moto X40.
Nokia
Nokia ka konfirmuar prezencën në MWC 2023, megjithatë mos prisni të prezantohet një smartphone i ri, pasi kompania është tepër e fokusuar në zhvillimin e teknologjive të reja 5G dhe 6G.
