Sipas një dokumenti të brendshëm të publikuar nga XDA Developers , tregohet se Android 12 mund të prezantohet në datën 4 tetor. Versioni i update-uar i sistemit operativ të Google është ofruar për testuesit beta që në muajin maj, të cilët provuan eksperiencën e re të dizajnit Material You.

Dokumenti i Google informon partnerët OEM se kur do të ndalojë aprovimin e software builds për versionet e ndryshme të Android (gjë që e bën sa herë që ka një software update për të siguruar pajtueshmërinë me Google Mobile Services). Kryeredaktori i XDA, Mishaal Rahman tregon se data e publikimit të AOSP zakonisht përkon me ditën e publikimit të versionit të ri të Android.

The Android 12 stable update may be released on October 4, as that's when Google plans to release to AOSP. This tentative release date was also mentioned by a 3PL. pic.twitter.com/PMN802gQj0

— Mishaal Rahman (@MishaalRahman) September 12, 2021

Për të verifikuar besueshmërinë e këtyre deklaratave, mjafton të shikojmë dokumentet e publikuara para prezantimit të Android 10 dhe 11. Versioni i qëndrueshëm i Android 10 u publikua në 3 shtator 2019, njësoj siç përmendet në dokumentin e publikuar. Dhe në rastin e lançimit të Android 11, data e prezantimit përkoi me datën e përmendur në dokumentet e publikuara.

Mirëpo eventi i datës 4 tetor mund të ndiqet nga prezantimi i shumëpritur i Google Pixel 6. Raportimet e tanishme tregojnë se Google po planifikon ta prezantojë këtë smartphone në datën 19 tetor.