Google po përgatitet për të rikthyer punonjësit e saj sërisht në zyra gjatë kësaj jave, dhe për t’i nxitur ka vendosur t’i ofrojë secilit një skuter elektrik falas.
Gjigandi i teknologjisë në bashkëpunim me prodhuesin e skuterave elektrik Unagi do të lançojnë një program të ri të quajtur “Ride Scoot”, në të cilën shumica e punonjësve të Google në SHBA mund të rimbursohen për shpenzimet në abonimin mujor të skuterave Model One nga Unagi. Model One kushton $990, ka një shpejtësi maksimale prej 32 km/h dhe mund të përshkojë 25 kilometra me një karikim të vetëm.
Dy vite pasi pandemia ndryshoi rrënjësisht mënyrën se si njerëzit punonin, është tepër e vështirë të rikthesh punonjësit në zyra, pasi ato tashmë ndihen mjaft të përshtatur me punimin nga shtëpia.
Unagi planifikon të ngrejë disa kabina në vende të ndryshme në zyrat e Google, ku punonjësit do të mund të regjistrohen në planin mujor prej $44.10, e cila do të rimbursohet totalisht nga Google. Punonjësit do të duhet të përdorin skuterin për të paktën 9 herë në muaj për t’u rimbursuar totalisht.
CEO i Unagi, Hyman tha se kompania ka arritur marrëveshje dhe me kompani të tjera si Salesforce për të shtuar skuterat elektrik si një mundësi transportimi për punonjësit të cilat do të rimbursohen nga kompania.
