Të enjten, Google ra dakord të paguante një shifër prej $5 miliardë për t’i dhënë fund procesit gjyqësor që tregonte se kompania spiunoi njerëzit që përdornin modalitetin “incognito” në browser-in Chrome për të gjurmuar përdorimin e tyre të internetit.
Padia e ngritur në vitin 2020 pretendonte se Google i mashtronte përdoruesit duke i bërë ata të besonin se Chrome nuk do të gjurmonte aktivitetet e tyre në internet gjatë përdorimit të modalitetit të fshehtë. Padia argumentoi se teknologjitë e reklamimit të Google dhe faqet e internetit të palëve të treta që përdornin Google Analytics ose Google Ad Manager vazhduan të kategorizonin detajet e aktiviteteve në faqet që përdoruesit klikonin pavarësisht përdorimit të modalitetit “privat”, duke e dërguar atë informacion përsëri në serverët e Google.
Paditësit akuzuan gjithashtu se aktivitetet e Google dhanë një “informacion të tepërt” në lidhje me përdoruesit të cilët mendonin se kishin ndërmarrë hapa për të mbrojtur privatësinë e tyre duke përdorur “incognito”.
Megjithatë një gjykatës federal duhet ende të miratojë këtë zgjidhje të problemit. Kushtet nuk u zbuluan, por padia fillimisht kërkoi pagimin e $5 miliardë drejt përdoruesve; dhe një marrëveshje përfundimtare pritet të arrihet deri më 24 shkurt.
Që nga ajo kohë Google njoftoi se do të ndalonte përdorimin e cookies të palëve të treta, të cilat shumë faqe interneti përdorin për të ruajtur të dhënat e përdoruesve, duke rritur kështu privatësinë e përdoruesve.
