Pasi pajisjet po bëhen gjithnjë e më pak të riparueshme, është shumë e veçantë të dëgjosh për kompani të cilat po mundohen të marrin parasysh dhe mundësinë e riparimit. Pavarësisht të gjithave, riparimi i pajisjes rezulton një zgjidhje shumë miqësore për mjedisin duke prodhuar më pak mbetje.
Framework është një startup që merret me prodhimin e hardware, i cili po mendon të sjellë modelin Fairphone të smartphone-ve te laptopët, madje duke e transportuar me një kaçavidë të përfshirë në paketim.
Kompania sot prezantoi produktin e saj të parë, The Framework Laptop, me ekran 13.5 inç dhe pjesë modulare. Idea është që përdoruesit mund të zëvëndësojë komponentët që dëmtohen ose prishen vetë. Ky laptop përmban ekranin me rezolucion 2256 x 1504 3:2 lehtësisht të riparueshëm, kamera 1080p, proçesor quad-core 11th generation Intel Core CPU së bashku me WiFi 6, deri në 64GB RAM dhe deri në 4TB Gen4 NVME SSD internal storage.
Pothuajse të gjithë komponentët, duke përfshirë ekranin, baterinë, tastjerën, SSD dhe WiFi card do të jenë lehtësisht të riparueshme. Patel tha se çdo modul përdor një single labelled connector dhe shumica e tyre kanë skeda tërheqëse.
Përveç lehtësimit të riparimit, Framework po përdor materiale të ricikluara. Kompania thekson se përdor 50% alumin të ricikluar dhe deri në 30% plastikë të ricikluar. Gjithashtu paketimi është i riciklueshëm pa plastika një përdorimshe.
Laptopi Framework do të fillojë shitjet gjatë verës së këtij viti me një çmim akoma të paqartë por pritet të jetë i krahasueshëm me laptopet e tjerë notebook.
