Shpesh herë na ndodh që të regjistrohemi në shumë platforma apo aplikacione të ndryshme, dhe për t’i mbajtur mend sa më lehtë ne përdorim një fjalëkalim tepër të thjeshtë.
Por ky zakon e bën të lehtë për kriminelët kibernetikë të sulmojnë bizneset e mëdha dhe të vjedhin informacione të ndjeshme të individëve. Eksperti i privatësisë Jason Wise ka zbuluar 15 fjalëkalimet më të zakonshme për vitin 2024 dhe u ka kërkuar njerëzve që të ndryshojnë menjëherë të tyret përdorin një prej fjalëkalimeve në listë.
- 123456
- 123456789
- admin
- Qwerty
- welcome
- Password
- Password1
- p@ssw0rd
- 12345
- Qwerty123
- 1q2w3e
- 12345678
- 111111
- 1234567890
- Q2w3e4r5t
“Për të qëndruar të sigurt në internet, keni nevojë për fjalëkalime të sigurta. Sa më unik të jetë një fjalëkalim, aq më e vështirë do të jetë për të tjerët ta thyejnë atë”, tha Wise. “Me pak fjalë, ju duhet të shmangni fjalëkalimet më të zakonshme dhe ato më të dukshmet.” Ai shpjegoi se disa nga fjalëkalimet më të zakonshme janë të përqendruara rreth kombinimeve të numrave si 111111, 12345 dhe 123456. Wise i këshilloi njerëzit që të mos përdornin datën e lindjes, emrat e njerëzve të afërt, ekipet sportive, qytetet ose ushqimin dhe i identifikoi ato si fjalëkalime jashtëzakonisht të lehta për t’u hamendësuar dhe mund t’ju vënë në rrezik të konsiderueshëm nga hakerat.
Një zgjidhje mjaft e mirë është përdorimi i një gjeneruesi të fjalëkalimeve që mund të krijojë fjalëkalime më të gjata, më të vështira për t’u gjetur, të cilat krijohen duke përdorur një seri të rastësishme numrash, shkronjash dhe karakteresh speciale.
Ndërsa përdorimi i një gjeneruesi të fjalëkalimeve është qasja më e sigurt, e keqja është se e bën të vështirë të mbani mend kur ju nevojitet, por përdorimi i këtij të kombinuar me një menaxher fjalëkalimesh konsiderohet të jetë opsioni më i mirë, sipas Wise. Disa nga gjeneruesit më të njohur të fjalëkalimeve përfshijnë LastPass, KeePass, NordPass, RoboForm dhe Dashlane.
