Withings ka prezantuar gjatë ditës së sotme në CES 2023 U-Scan, një “laborator” në miniaturë i cili instalohet në tualetet tona dhe mbledh urinën e përdoruesve për ta analizuar atë. Withings tregon se nëpërmjet këtij produkti njerëzit do të kenë mundësinë të shikojnë në kohë reale balancën biokimike të trupit, si dhe të monitorojnë vazhdimisht gjendjen shëndetësore.
Me një diametër prej 90mm, U-Scan është dizenjuar për të grumbulluar një sasi urine nëpërmjet një “depozite të vogël”. Kur prezenca e urinës zbulohet nga sensorët termalë, pompa aktivizohet dhe dërgon urinën në hapësirën specifike ku reaksionet kimike lexohen nga një modul optik. Kur analizimi të përfundojë, urina e grumbulluar lëshohet në tualet dhe U-Scan pastrohet kur shkarkoni tualetin.
Ky produkt është pajisur me hapësira të ndryshme testuese të cilat ofrojnë informacione të rëndësishme, që ruhen më pas në aplikacionin e Withings për iPhone përmes Wi-Fi. Është e nevojshme që çdo 3 muaj të ndërrohen “hapësirat e testimit”.
Kompania tregon se U-Scan mund të përdoret nga persona të ndryshëm, pasi ajo është në gjendje të identifikojë secilin përdorues përmes shërbimit Stream ID. U-Scan do të lançohet fillimisht në Evropë me Nutri Balance dhe hapësirat testuese Sync3. Cycle Sync parashikon ciklin menstrual për femrat në bazë të të dhënave hormonale dhe niveleve të pH.
Nga ana tjetër Nutri Balance ofron një analizim të pH, vitaminës C dhe niveleve të ketoneve. Produkti do të vijë në treg në gjysmën e dytë të 2023 dhe do të kushtojë €499.95.
