Bashkimi Evropian nisi të hënën një hetim ndaj Apple, Alphabet dhe Meta, i cili do të jetë i pari që mbështetet në legjislacionin më të ri të Aktit të Tregjeve Dixhitale.
“Sot, Komisioni ka nisur hetimet për mospërputhjen me Aktin e Tregjeve Dixhitale (DMA) mbi rregullat e Alphabet për drejtimin në Google Play dhe vetë-preferencën në Google Search, rregullat e Apple për drejtimin në App Store dhe ekranin e zgjedhjes për Safari dhe modelin e Meta ‘paguaj ose prano shitjen e të dhënave’.” thuhet në një deklaratë të Komisionit Evropian.
Dy hetimet e para fokusohen në Alphabet dhe Apple dhe kanë të bëjnë me të ashtuquajturat rregulla kundër mosinformimit. Sipas DMA, firmat e teknologjisë nuk lejohen të ndalojnë bizneset që t’u tregojnë përdoruesve të tyre opsione më të lira të abonimit për produktet e tyre ose për abonimet jashtë një dyqani aplikacionesh.
Hetimi i pestë dhe i fundit fokusohet tek Meta dhe i ashtuquajturi modeli “paguaj ose prano shitjen e të dhënave”. Vitin e kaluar, Meta prezantoi një model abonimi pa reklama për Facebook dhe Instagram në Evropë. Komisioni po shqyrton nëse ofrimi i këtij modeli është në kundërshtim me DMA. “Komisioni është i shqetësuar se zgjedhja binare e imponuar nga ky model i Meta mund të mos ofrojë një alternativë reale në rast se përdoruesit nuk japin pëlqimin, duke mos arritur kështu objektivin për të parandaluar akumulimin e të dhënave personale nga kompanitë ‘gatekeepers’.”
Komisioni tha se synon të përfundojë hetimet e tij brenda 12 muajve, por Vestager dhe Breton gjatë konferencës së së hënës theksuan se DMA nuk tregon saktësisht një afat kohor të hetimit. Rregullatorët do të informojnë kompanitë për gjetjet e tyre paraprake dhe do të shpjegojnë masat që po marrin ose duhet të marrin gatekeepers për të adresuar shqetësimet e komisionit. Nëse ndonjë kompani zbulohet se ka shkelur DMA-në, komisioni mund të vendosë gjoba deri në 10% të xhiros totale të firmave të teknologjisë në mbarë botën. Këto gjoba mund të rriten deri në 20% në rast të shkeljeve të përsëritura.
