Gjatë prezantimit të Apple Intelligence në WWDC 2024, Apple tha se teknologjia do të jetë e disponueshme fillimisht në gjuhën angleze të folur në SHBA dhe se mbështetja për më shumë gjuhë do të shtohet gjatë vitit të ardhshëm. Sidoqoftë, përdoruesit në Bashkimin Evropian dhe Kinë nuk do të jenë në gjendje të provojnë fare veçoritë e AI – por Apple thotë se po punon me rregullatorët për ta ndryshuar këtë gjë.
Drejtuesi i Përgjithshëm i Apple, Tim Cook, u pyet të enjten gjatë një telefonate me investitorët për disponueshmërinë e Apple Intelligence në tregje të tjera, veçanërisht në BE dhe Kinë. Cook nuk dha shumë detaje në lidhje me këtë, por tha se Apple është “e angazhuar” me rregullatorët për t’i bërë shërbimet e AI të disponueshme për “të gjithë”.
Sipas shefit ekzekutiv, kompania fillimisht dëshiron të kuptojë të gjitha kërkesat rregullatore përpara se të sigurojë një kornizë kohore për të mundësuar Apple Intelligence në këto rajone. Megjithëse Apple Intelligence disponohet vetëm në anglisht, përdoruesit mund të marrin një pamje paraprake të shërbimeve të reja duke përdorur pajisjet e tyre në gjuhën angleze dhe duke përzgjedhur rajonin SHBA në Settings.
Megjithatë, për njerëzit në Bashkimin Evropian dhe Kinë, veçoritë e AI janë bllokuar plotësisht nga Apple. Apple tha në një deklaratë se veçoritë do të bllokoheshin në BE për shkak të “shqetësimeve të privatësisë dhe sigurisë“. Me shumë mundësi, Apple shqetësohet se duhet të ndryshojë mënyrën se si funksionon Apple Intelligence në Evropë për shkak të legjislacionit vendas që rregullon AI.
