Një shkencëtar ka bërë një zbulim të çuditshëm ndërsa analizonte provat e marra nga teleskopi hapësinor James Webb i NASA-s. Ndërsa analizonte imazhet, profesori i asociuar i shkencave kompjuterike në Universitetin Shtetëror të Kansas, Lior Shamir zbuloi se nga 263 galaktikat e ekzaminuara, dy të tretat e tyre rrotulloheshin në drejtim të akrepave të orës, ndërsa vetëm një e treta rrotulloheshin në drejtim të kundër me akrepat e orës.
Kjo sfidon supozimin se çdo univers i caktuar do të kishte një gjysmë duke rrotulluar në një drejtim, ndërsa pjesa tjetër rrotullohet në drejtim të kundërt. “Ende nuk është e qartë se çfarë e shkakton këtë, por ka dy shpjegime kryesore të mundshme”, tha Shamir në një deklaratë. “Një shpjegim është se universi ka lindur duke u rrotulluar. Ky shpjegim pajtohet me teori të tilla si kozmologjia e vrimës së zezë, e cila supozon se i gjithë universi është në brendësinë e një vrime të zezë.”
Gjetjet i shtojnë besueshmëri një teorie ekzistuese, të quajtur “kozmologjia Schwarzschild“, e cila supozon se galaktika jonë është e bllokuar brenda një vrime të zezë, e cila nga ana tjetër ndodhet brenda një universi tjetër. Kjo do të nënkuptonte që vrimat e tjera të zeza të vëzhguara mund të jenë vrimat e krimbave, të njohura ndryshe si urat Einstein-Rosen drejt universeve të tjera, të cilat janë të pavëzhgueshme për ne për shkak të vrimave të zeza që bllokojnë dritën brenda tyre.
“Zbulimi nga JWST që galaktikat rrotullohen në një drejtim të preferuar do të mbështeste teorinë e vrimave të zeza që krijojnë universe të reja dhe do të isha jashtëzakonisht i emocionuar nëse këto gjetje konfirmohen”, shtoi ai.
“Nëse është me të vërtetë kështu, ne do të duhet të rikalibrojmë matjet tona për universin e thellë,” tha ai në deklaratë. “Ri-kalibrimi i matjeve të distancës mund të shpjegojë gjithashtu disa pyetje të tjera të pazgjidhura në kozmologji, siç janë ndryshimet në shpejtësinë e zgjerimit të universit dhe galaktikat e mëdha që sipas matjeve ekzistuese të distancës pritet të jenë më të vjetra se vetë universi.”
