Nothing Phone (2) ishte një flagship shumë i mirë për çmimin, por tani kompania duket se po punon në një pajisje të re “budget”, të quajtur Nothing Phone 2a, dhe më poshtë do të tregojmë disa nga specifikat kryesore të tij.
Listat rregullatore konfirmuan ekzistencën e Nothing Phone 2 me numrin e modelit të saj A142 menjëherë pasi një leak tjetër ofroi disa detaje bazike në lidhje me pajisjen, duke përfshirë ekranin e saj 6.7 inç dhe prerjen e kamerës selfie hole-punch.
Kjo rrjedhje e dytë tregoi gjithashtu një imazh të propozuar të pajisjes, por duke e krahasuar atë me Nothing Phone (1), nuk duket se është, në të vërtetë, një pajisje e re, siç mund të kuptojmë nga vendosja e sensorëve të kamerës dhe dritat e pasme . Por tani, pasi Dylan Roussel ka zbuluar dhe ndarë në X një imazh nga Nothing ku tregon pjesën e pasme të Nothing Phone 2A.
Imazhi nuk tregon modelin përfundimtar, por më tepër pozicionin e Glyph Lighting Interface, i cili është rrënjësisht i ndryshëm. Në të gjendet një modul i ri i kamerave të pasme me tre elementë ndriçimi rreth tij dhe disa dizajnë të tjera interesante rreth gjysmës së poshtme të pajisjes.
Ashtu si Phone (2), një nga dritat e Glyph duket se mbështet një dizajn granular, i cili mund të përdoret për shfaqjen e informacioneve në stilin e veçantë të Nothing, siç është integrimi i ri i kalendarit Google. Kjo paraqitje i është bashkangjitur emrit të kodifikuar “Pacman“, i cili përputhet me skemën e kodimit të kompanisë për telefonat e tij, i cili bazohet në video-lojëra klasike. Phone (1) ishte “Spacewar” dhe Phone (2) ishte “Pong“.
Me sa duket pajisja po përdor një chipset MediaTek, konkretisht me Dimensity 7200. Nothing nuk kishte përdorur asnjëherë deri më tani një proçesor MediaTek në ndonjë prej pajisjeve të saj, pasi shfrytëzoi fuqinë e Snapdragon.
