Asistenti virtual në iPhone-in tuaj ju lejon të bëni shumë gjëra nëpërmjet zërit tuaj, si përshembull dërgimi i një mesazhi në formën e një teksti, gjetja e lokacioneve të ndryshme si dhe luajtja e muzikës. Apple shton vazhdimisht përmes update-ve komanda të reja në Siri, dhe komanda më e re që vjen në këtë asistent në iOS 16 është mundësia për të bërë restart pajisjen tuaj nëpërmjet zërit.
Mund të ndodhë disa herë që ju të përballeni me disa probleme në software, ku disa aplikacione mbyllen automatikisht, sistemi mbingarkohet apo fillon të ngadalësohet, dhe ju keni nevojë të rindizni pajisjen tuaj. Nëpërmjet Siri tashmë ju mund ta kryeni këtë veprim thjeshtë duke përmendur komandën e duhur.
Për sa kohë që ju keni të aktivizuar komandën “Hey Siri”, e cila dëgjon në mënyrë konstante për këto dy fjalë, mjafton që të përmendni këto komanda për të bërë restart pajisjen tuaj.
- Fillimisht thuaj “Hey Siri” për të aktivizuar asistentin dixhital
- Më pas thoni “Restart iPhone”
- Dhe në fund shtypni opsionin “Restart” kur Siri kërkon konfirmimin tuaj.
Më pas iPhone-i juaj do të rindizet dhe ju duhet të fusni password-in tuaj për të hapur pajisjen.
Megjithatë, në rast se ju nuk e keni të aktivizuar “Hey Siri”, shkoni në Settings > Siri & Search > Aktivizoni Listen for “Hey Siri”. Siri mund të aktivizohet gjithashtu duke mbajtur shtypur butonin e ndezjes.
