Një paralajmërim është lëshuar për përdoruesit e smartphone-ve që i marrin me vete pajisjet në banjë ndërsa bëjnë dush. Një grua e quajtur Andi bëri një zbulim shqetësues pasi e merrte rregullisht iPhone-in e saj në banjë, kur hoqi kasën mbrojtëse.
“Unë zakonisht e marr këtë telefon për dush për të dëgjuar muzikë ndërsa jam duke bërë dush.” tha ajo në një video të publikuar në TikTok. Më vonë ajo ktheu nga kamera kasën mbrojtëse të smartphone-it, në të cilin dukeshin të pranishëm njollat e zeza të mykut.
Lënia e smartphone-it tuaj në një banjë ndërkohë që bëni një dush mund të çojë në rritjen e mykut në kasë për shkak të lagështirës së lartë nga avulli, gjë që krijon një mjedis të përsosur për të lulëzuar mykun. Jo vetëm që kërpudhat mund të rriten brenda kasës, por përdoruesit kanë zbuluar se avulli gjithashtu dëmton harduerin e brendshëm të pajisjes, edhe nëse është rezistent ndaj ujit.
Megjithatë shumë shikues të videos kishin dyshimet e tyre. Një komentues akuzoi Andin se ajo nuk e pastron rregullisht kasën e saj, ndërsa një tjetër tregoi se përdor të njëjtën kasë dhe nuk e ka pasur kurrë një problem të tillë. Një tjetër komentues tregoi se ky mundet të jetë dhe një problem i ventilimit në banjën e Andit.
Nëse ju kërkoni në komunitetin e Apple, do të gjeni padyshim raste të shumta të tilla, ku myku është i pranishëm në kasat mbrojtëse prej lëkure të Apple. Lëkura është një material organik dhe poroz që thith dhe bllokon lehtësisht lagështinë, duke krijuar një mjedis ideal për rritjen e mykut kur ekspozohet ndaj kushteve të lagështa – siç është avulli i mbetur nga një dush. Ndërkohë që materiali nuk thuhet konkretisht në video, edhe rasti i Andit ka një pamje lëkure.
