iPhone-i i parë i palosshëm i ngjashëm me Galaxy Z Flip mund të prezantohet vitin e ardhshëm

Apple vazhdon të punojë në një iPhone të palosshëm, i cili mund të arrijë që në vitin 2026, sipas një raportimi nga The Information. Ky smartphone pretendohet se paloset horizontalisht, si Samsung Galaxy Z Flip.

Në shkurt, The Information raportoi se Apple ishte në fazat e hershme të zhvillimit të dy prototipeve të palosshme të iPhone. Por tani, duket se Apple mund të ketë vendosur vetëm për një dizajn, pasi raportimi tregon se pajisja ka tashmë dhe një emër të koduar, V68, që tregon se “ideja ka kaluar përtej fazës konceptuale” dhe tani kompania “është në diskutime me furnitorët“.

Apple thuhet se është ende duke punuar për ta bërë sa më të padukshme rrudhën që shfaqet kur telefoni shpaloset dhe po përpiqet gjithashtu ta bëjë pajisjen më të hollë. Kjo vërteton raportimin e së martës nga DigiTimes, i cili zbulon detaje të ngjashme në lidhje me planet e telefonit të palosshëm të Apple.

Thashethemet e fundit sugjerojnë se Apple po punon gjithashtu për një pajisje të palosshme si MacBook që mund të prezantohet po ashtu në vitin 2026. Përveç punës së saj në pajisjet e palosshme, Apple mund të jetë duke u përgatitur për të përmirësuar iPhone-in e vitit të ardhshëm me një hapje mekanike në sensorin e kameras që do t’i lejojë përdoruesit të arrijnë një efekt që turbullon sfondin e një imazhi duke e mbajtur subjektin në fokus.

Një tjetër detaj që bëhet i ditur është se kompania po punon për t’i bërë pajisjet e saj më të holla, duke filluar me serinë e rradhës të iPhone.